विराटनगर, जेठ ३१–मानव अधिकारका लागि श्रोत विकास मञ्च(रिडेफ) नेपालका अध्यक्ष उमेश विश्वकर्माका विषयमा एकपछी अर्को खुलासा हुँदै जान थालेको छ । उक्त संस्थाका अध्यक्ष विश्वकर्मा बहुमत साधारण सदस्य, कार्यसमितिका अन्य सदस्य तथा पदाधिकारीहरुको सहमति विपरित आफुखुशि काम र साधारण सभाविनै जुनसुकै बेला पद हेरफेर गर्ने गरेको तथ्य न्युज विराटलाई फेला परेको छ ।
समाचार श्रोतका अनुसार संस्था मार्फत व्यक्तिगत लाभका लागि जस्तोसुकै ‘हत्कण्डा’ अपनाउन पछि नपर्ने अध्यक्ष विश्वकर्माले मुख्य पदाधिकारी र सदस्यहरुको जानकारी र साधारणसभा विनै पद हेरफेर गर्ने गरेको पाइएको हो ।
संस्थाको प्रचार र सस्तो लोकप्रियताका लागि विश्वकर्माले पदाधिकारीहरुको विवरण फरक–फरक ठाउँमा फरक–फरक उल्लेख गर्ने गरेको पाइएको हो । त्यसो त उनै विश्वकर्माले पदाधिकारीहरुको विवरण आफुखुशि र आफु अनुकुल देखाउने गरेको देखिएको छ । ‘१० कक्षा समेत उतिर्ण नगरेका अध्यक्षलाई सामान्य कानुनी ज्ञान पनि नभएर होला जहाँ जे मन लाग्यो त्यहि विवरण लेख्ने र लेखाउने गर्नु भएको छ ।’ श्रोतले भन्यो,‘अध्यक्ष जिले सामाजिक संस्थालाई प्राइभेट कम्पनी जस्तो बनाउनुभएको छ ।’
उनले साधारणसभा विनै आफु अनुकुल मुख्य पदाधिकारी राख्ने र अनुकुल नभए हटाउने गरेको पाइएको छ । संस्थाका एक पूर्व पदाधिकारीले आफु कार्यसमितिको प्रमुख कार्यकारी पदमा भएपनि सँधै गतिविधिबाट बेखबर रहेको दावी गरे । आफ्नो नाम र पद उल्लेख गर्ने शर्तमा उनले भने,‘म कार्यकारी पदमा थिएँ । धेरै कुरा मलाई थाहा हुँदैनथ्यो । विधान अनुसार बैंक खातामा मेरो पनि हस्ताक्षर अनिवार्य हुनुपर्ने हो, तर मसहितको खाता खोलिएको मलाई थाहा छैन । गलत गतिविधिको म विरोधनै गर्छु । पछि खै मलाई कतिबेला हटाइएछ थाहा पाइएन ।’
अध्यक्ष उमेश विश्वकर्माले सस्तो लोकप्रीयता र संस्थाको प्रचारगरि व्यक्तिगत लाभ लिन पदाधिकारीनै परिवर्तन गरिदिने गरेको संस्थाकै सदस्यहरुले आरोप लगाएका छन् ।
केही दिन अघि मात्र पनि अध्यक्ष विश्वकर्माले आफ्नो आधिकारीक फेसबुक पेजमार्फत जारी गरेको प्रेस विज्ञप्तीमा पदाधिकारीनै हेरफेर गरिदिएका छन् ।
उनले उक्त विज्ञप्तीमा संस्थाको कार्यसमितिमा उल्लेख भएकी उपाध्यक्ष राधा पासवानलाई हटाएर सहसचिव रहेकी सम्झना मोतेलाई उपाध्यक्ष उ्रल्लेख गरेका छन् । ३ वर्षे कार्यकाल देखाइए पनि उपाध्यक्षनै हेरफेर गर्नुमा अध्यक्ष विश्वकर्माको गलत नियत देखिएको संस्थाकै सदस्यहरुले आरोप लगाएका छन् ।
त्यसो त उक्त विज्ञप्ती उमेश विश्वकर्मा आफैले शेयर गरेकाले प्राविधिक त्रुटि हुनै नसक्ने श्रोतको दावी छ । श्रोतका अनुसार विज्ञप्तीमा मात्र होइन, विभिन्न कार्यक्रम, स्थानीय, प्रदेश सरकार, अन्तराष्ट्रिय गैरसरकारी संस्था(दाता) सँग बजेट माग्ने प्रोपजल, विभिन्न कार्यक्रममा विश्वकर्माले मनोमानीरुपमा गैर सदस्यहरुलाई पनि पदाधिकारी र सदस्य भनेर उल्लेख गर्ने गरेका छन् ।
यहाँ हेर्नुहोस्
समाचार श्रोतका अनुसार संस्थामार्फत सँधै व्यक्तिगत लाभ लिइराख्न पल्केका अध्यक्ष विश्वकर्माको कार्यशैलीप्रती आपत्ति जनाए हदै सम्मको षड्यन्त्र र गतिविधि गर्ने गरेका छन् । सो विषयमा प्रतिकृया लिन पटक पटक सम्पर्क गर्न खोज्दा समेत विश्वकर्मासँग सम्पर्क हुन सकेन ।
विराटनगर । पाहुना टोली भारत केरलाको लुका सकर क्लब सातौं संस्करणको विराट गोल्डकपको फाइनलमा प्रवेश गरेको छ । विराटनगरस्थित सहिद मैदानमा मंगबलार सम्पन्न भएको अन्तिम सेमिफाइनल खेलमा साविक विजेता विभागीय टोली एपीएफलाई टाईब्रेकरमा ४–२ गोलले...
विराटनगर । कोशी प्रदेश नामकरण खारेजीको माग गर्दै प्रदर्शनमा उत्रिएका पहिचान पक्षधरका आन्दोलनकारी र प्रहरीबीच विराटनगरमा आज दिउँसो झडप भएको छ । विराटनगरको होटेल बिगमा दिगो विकास लक्ष्य प्राप्तिका लागि स्रोत व्यवस्थापनसम्बन्धी अन्तरक्रियात्मक कार्यशालामा सहभागी...
विराटनगर । पाहुना टोली भारत केरलाको लुका सकर क्लब साताँै संस्करणको विराट गोल्डकपको सेमिफाइनलमा पुगेको छ । विराटनगरस्थित सहिद मैदानमा आइतबार राती भएको अन्तिम क्वाटरफाइनल खेलमा ‘ए’ डिभिजन क्लब संकटालाई सडनडेथमा हराउँदै भारत सेमिफाइनल यात्रा...
विराटनगर । विराटनगरस्थित न्यूरो हस्पिटलले विश्व छारेरोग दिवसको अवसर पारेर सचेतनामुलक र्याली निकालेको छ । आइतबार विहान विराटनगरमा सचेतनामुलक र्याली निकालेको हो । न्यूरो हस्पिटलदेखि सुरू भएको र्यालीले विराटनगर महानगरपालिका भित्र नगर परिक्रमा गरेको थियो...
पत्रकारिताको नयाँ आयामको रुपमा न्युजबिराट डट कम उपस्थित भएको छ । जनताको सूचनाको हक स्थापित गर्ने र आवाजविहिनहरुको आवाज बलियो बनाउने उद्देश्यसहित हामी आएका हौं । सत्य र न्यायप्रतिको पक्षधरतासहितको स्वतन्त्र प्रत्रकारिता हाम्रो मिसन हो ।