प्रदेश १ मा आज ४६३ संक्रमणमुक्त, ४४३ संक्रमित थपिए
विराटनगर, २३ असार । प्रदेश १ मा आज ४६३ जना संक्रमणमुक्त भएका छन् । संक्रमणमुक्त हुनेमा २१८ महिला र २४३ पुरुष रहेको छन् । हालसम्म कोरोना संक्रमणमुक्त हुनेको संख्या ६७ हजार २६० पुगेको छ ।...
काठमाडाैं, ३२ जेठ-नेत्रविक्रम चन्द ‘विप्लव’ले नेतृत्व गरेको प्रतिबन्धित नेपाल कम्युनिस्ट पार्टीले केन्द्र सरकारकाे प्रशंसा गरेकाे छ । दबाबका बीच भारतबाट अतिक्रमित भूभाग समेटिएको नेपालको नक्सा संसदबाट पास गरेर सरकार देशको हितमा एक कदम अघि बढेको प्रतिक्रिया साे पार्टीले दिएकाे हाे ।
पार्टीका महासचिव विप्लवले आइतबार प्रेस विज्ञप्ति जारी गर्दै भनेका छन्, ‘भारतले नेपालकाे लिम्पियाधुरा, लिपुलेक, कालापानी ५८ वर्षदेखि आफ्नो कब्जामा राखेको छ । त्यो भूमि कुटनीतिक र राजनीतिक पहल गरेर भूमि फिर्ता ल्याउनु पर्छ ।’ विज्ञप्तिमा नागरिकलाई पनि सरकारको मात्र मुख ताकेर नबस्न र सार्वभौमिकता र स्वाधीनताको पक्षमा लाग्न आह्वान गरिएकाे छ ।
