कोरोना संक्रमितको संख्या ५ हजार नाघ्यो, एकै दिन ४४८ जना संक्रमण पुष्टि - News Birat

कोरोना संक्रमितको संख्या ५ हजार नाघ्यो, एकै दिन ४४८ जना संक्रमण पुष्टि

न्यूज विराट

काठकाडाैं, ३० जेठ-नेपालमा अहिलेसम्मकै सबैभन्दा धेरै व्यक्तिमा कोरोना भाइरस संक्रमण पुष्टि भएको छ । नेपालमा एकैदिन थप ४४८ जनामा कोरोना भाइरस संक्रमण पुष्टि भएको हो ।

स्वास्थ्य मन्त्रालयको नियमित पत्रकार सम्मलेनमा प्रवक्ता डा. जागेश्वर गौतमले नेपालमा थप जनामा ४४८ जनामा कोरोना भाइरस संक्रमण भएको पुष्टि भएको जानकारी दिएका हुन् ।

उनका अनुसार संक्रमितमध्ये ४२४ पुरुष र २४ जना महिला रहेका छन् । योसँगै नेपालमा कोरोना संक्रमितको संख्या ५ हजार ६२ पुगेको छ । जसमध्ये ४ हजार ७ सय ९ जना पुरुष र ३ सय ५३ जना महिला छन् ।

शुक्रबार थप १६ जना कोरोना भाइरस संक्रमित निको भएर डिस्चार्ज भएका छन् । जसमध्ये ४ जना महिला र १२ जना पुरुष छन् । योसँगै कोरोनालाई जितेर डिस्चार्ज हुनेको संख्या ८७७ पुगेको छ ।

स्वास्थ्य मन्त्रालयको तथ्यांकअनुसार शुक्रबारसम्म १ लाख २१ हजार ८ सय ६२ नमुनाको पीसीआर विधिबाट परीक्षण गरिएको छ । १ लाख ८८ हजार ५२ जनाको आरडीटी विधिबाट परीक्षण गरिएको स्वास्थ्य मन्त्रालयले जनाएको छ ।

२४ घण्टाको अवधिमा ५ हजार ९ सय २५ नमुना पीसीआर विधिबाट परीक्षण गरिएको छ भने ९ हजार ९ सय ९९ जनाको आरडीटी विधिबाट परीक्षण गरिएको छ । शुक्रबारसम्म देशभरका विभिन्न क्वारेन्टाइनमा १ लाख ५८ हजार ५० जना रहेका छन् । त्यसैगरी ४ हजार १ सय ६९ जना आइसोलेसनमा रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles