आज ७३६ संक्रमित थपिए, ८४७ जना डिस्चार्ज
गत २४ घण्टामा देशभर आज ७ सय ३६ जनामा कोरोना संक्रमण पुष्टि भएको छ । योसहित संक्रमितको संख्या २ लाख ५० हजार ९ सय १६ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता...
धरान, जेठ २७-झापाका काेराेना संक्रमितमध्ये २८ जना निकाे भएर घर फर्किएका छन् । सुनसरीको धरानस्थित बीपी कोइराला स्वास्थ्य विज्ञान प्रतिष्ठानबाट मंगलबार १८ देखि ५६ वर्षका उमेर समूहका २८ जना निकाे भएर घर फर्किएका हुन् ।
स्वास्थ्य प्रोटोकलअनुसार दुई पटकसम्म पीसीआर जाँच गर्दा नेगेटिभ रिपोर्ट आएकाले घर पठाइएकाे प्रतिष्ठानका प्रवक्ता प्रा. डा. दिनेश सापकोटाले जानकारी दिए ।
२ साताअघि उनीहरू भारतबाट फर्किएका थिए । अब प्रतिष्ठानको आइसोलेसनमा ५५ जना उपचाररत रहेका डा. सापकाेटाले बताए । प्रतिष्ठानको आइसोलेसनबाट अहिलेसम्म ९९ जना निकाे भएर फर्किइसकेका छन् ।
