काठमाडौं, २७ वैशाख-विश्‍व बैंक्ले चालू आर्थिक वर्षमा नेपालको आर्थि वृद्धिदर अधिक १.८ प्रतिशतिसम्म हुने अनुमान गरेको छ । यसअघि १.८ देखि २ .५ प्रतिशतको प्रक्षेपण गरेकोमा पुन: विश्‍व बैंकले १.८ प्रतिशतमा खुम्चने अनुमान गरेको छ ।

सरकारको आर्थिक सर्वेक्षणले २.३ प्रतिशतसम्म हुन सक्ने प्रक्षेपण गरेको छ । यस अघि तथ्यांक विभागले २.२७ प्रतिशतसम्म हुने अनुमान गरेको थियो ।

विश्‍व बैंकले गरेको प्रक्षेपण अनुसार चालू वर्षमा दक्षिण एसियामा धेरै आर्थिक वृद्धि गर्ने राष्ट्रमा नेपाल दोस्रो नम्वरमा रहने छ । सबैभन्दा बढी भारतले ४.२ प्रतिशतको आर्थिक वृद्धिदर हासिल गर्ने अनुमान गरिएको छ भने सबैभन्दा बढी ऋणात्मक अफगानस्तानको १३ प्रतिशतभन्दा तल झर्ने अनुमान गरिएको छ ।

आगामी वर्ष २०२१ मा भने सबैभन्दा बढी अफगानस्तानले आर्थि वृद्धिदर हासिल गर्ने र भारतको ३.२ प्रतिशत ऋणतात्मक हुने अनुमान गरेको छ । विश्‍व बैंकले मंगलबार सर्वजनिक गरेको प्रतिवेदनअनुसार  नेपालले आगामी आर्थिक वर्षमा अधिक २.६ प्रतिशतको आर्थिक वृद्धिदर हासिल गर्ने छ । सरकारले भने आगामी वर्षमा ७ प्रतिशतको आर्थिक वृद्धिदरको लक्ष निर्धारण गरेको छ । जुन लक्ष अधिक महत्वकांक्षी भएको र पूरा नहुने लक्षका रुपमा विज्ञहरुले बताएका छन् ।