डडेल्धुरा, २३ जेठ-पूर्व प्रधानमन्त्री तथा नेपाली कांग्रेसका सभापति शेरबहादुर देउवाले गृहजिल्ला डडेल्धुराका लागि राहत सामग्री पठाएका छन् । स्थानीय तहमा रहेका गरिब निमुखाका लागि खाद्यान्न अभाव भएको भन्दै उनले राहत सामग्री पठाएका हुन् ।

सभापति देउवाले जिल्ला समन्वयमार्फत् स्थानीय तहलाई हस्तान्तरण गर्ने गरि १ सय ४० क्विन्टल चामल, ७ क्विन्टल मसुरको दाल, साढे ३ क्विन्टल केराउ दाल, साढे ३ क्विन्टल चना, करिव २ क्विन्टल मटरका साथै चिनी, नुन, चियापत्ती र तेल पठाएका हुन् ।

पूर्व प्रधानमन्त्री देउवाले जिल्लाका प्रत्येक स्थानीय तहलाई २० क्विन्टल चामलसहित २ सय केजी दाल, ५ कार्टुन तेल, २८ किलो नुनका साथै चिनी, चियापत्ती, चना जस्ता खाद्य सामग्री पठाएको जिल्ला समन्वय समिति डडेल्धुराले जनाएको छ ।