विराटनगर, जेठ १३–पूर्वमन्त्री तथा मोरङ क्षेत्र नं. ६ का सांसद लालबाबु पण्डितको पहलमा बन्दाबन्दीका कारण समस्यामा पर्दै आएका परिवारलाई राहत वितरण गरिएको छ ।

सांसद पण्डितको पहलमा नेकपा युवा नेता मो. आजमले विराटनगर–९ स्थित धोवीयारी चोकका ९० परिवारलाई ९ सय केजी चामल वितरण गरेका हुन् ।

सांसद पण्डितले आफ्नो निर्वाचन क्षेत्र अन्तर्गतका जनता बन्दाबन्दीका कारण रोजगारी गुमेपछी भोकभोकै बस्न नपरोस भनेर राहत स्वरुप उपलब्ध गराएको चामल घर–घरमा प्ुगेर वितरण गरेको युवा नेता आजमले जानकारी दिए ।

कोरोना संक्रमणको रोकथाम र न्युनिकरणका लागि सरकारले गत चैत ११ गतेदेखी जारी गरेको बन्दाबन्दीका कारण घरमै बस्नुपरेका विपन्न तथा र मजदुर परिवारलाई दैनिक छाक टार्न समस्या भएपछि राहत स्वरुप खाद्यन्न वितरण गरिएको नेपाल कम्युनिष्ट पार्टी नेकपा प्रदेश कमिटी सदस्य सत्यारायण चौधरीले जानकारी दिए ।

नेता चौधरीका अनुसार यस अघि पनि विभिन्न चरणमा सांसद पण्डितको पहलमा उनकै निर्वाचन क्षेत्र अन्तर्गत विराटनगर महानगरपालिकाका विभिन्न वडा, बुढिगंगा गाउँपालिका र शुन्दरहरैँचा नगरपालिकामा पनि राहत वितरण गरिएको छ ।