एजेन्सी, जेठ ९-श्रीलंकाको राजधानी कोलम्बोमा पैसा बाँड्ने क्रममा भएको भागदौडमा ३ जनाको मृत्यु भएको छ भने ८ जना घाइते भएका छन् । एक व्यापारीले आफ्नो गोदाममा बोलाएर कोरोना भाइरसका कारण संकटको सामना गरिरहेकाहरुलाई पैसा बाँडेका थिए । जहाँ सयौं मानिसहरु भेला भएका थिए ।

प्रहरीले व्यापारीले आफ्नो योजनाको बारेमा नबताएको र यसको अनुमति नभएको बताएको छ । पैसा बाँड्ने काममा रहेका ६ जनालाई समेत प्रहरीले गिरफ्तार गरेको छ ।

केही रिपोर्टमा ती व्यापारी मुस्लिम भएको र रमजान महिनाको समाप्तिका क्रममा इदको दान गरेको बताइएको छ । श्रीलंकामा कोरोना भाइरसका कारण १ हजार ४५ जना संक्रमित भएका छन् भने ९ जनाको मृत्यु भएको छ ।