विराटनगर, जेठ ५–भारतसँग सीमा जोडिएको मोरङको दक्षिपूर्वी रतुवामाई नगरपालिकाका एक युवामा कोरोना संक्रमण पुष्टि भएको छ । सोमबार पिसिआर परिक्षणको नतिजा अनुसार रतुवामाईका युवकमा कोरोना संक्रमण पोजेटिभ आएको प्रदेश १ सामाजिक विकास मन्त्रालयका प्रवक्ता डा. सुरेस मेहताले जानकारी दिए ।

जेठ २ गते रतुवामाई नगरपालिका–१ सोनापुर नाका स्थित मकैबारीबाट लुकिछिपि नेपाल प्रवेश गरेका २५ वर्षिय युवकमा कोरोना संक्रमण पुष्टि भएको रतुवामाई नगरपालिकाका मेयर रवीन राईले जानकारी दिए । उनका अनुसार वडा नं. १ स्थित सोनापुरनै घर भएका ती युवक लुकिछिपि नेपाल प्रवेश गरेको जानकारी पाएपछी ¥यापिड परिक्षण गर्दा पोजेटिभ देखिएको र स्वाब संकलन गरि विराटनगर स्थित कोशी अस्पतालमा पिसिआर परिक्षण गर्दा रिपोर्ट पोजेटिभ आएको हो ।

नगरप्रमुख राईले मुम्बईमा मजदुरी गर्दै आएका ती युवक भारतमा रेल्वेसेवा सुचारु भएसँगै सुरक्षाकर्मीहरुको आँखा छल्दै मकैबारीबाट लुकेर नेपाल आएको जानकारी दिए । नगरप्रमुख राईका अनुसार युवकमा कोरोना संक्रमण पोजेटिभ देखिएसँगै उनलाई विराटनगर स्थित कोशी अस्पताल अन्तर्गतको कोभिड–१९ उपचार केन्द्रमा पठाउने तयारी गरिएको छ ।

युवकमा कोरोना संक्रमण देखिएपछी उनको परिवारका सवै सदस्यलाई होम क्वारेन्टाइनमा निगरानीमा राखिएको छ । उनीहरु सवैको स्वाव संकलन गरि परिक्षण गराईने नगरप्रमुख राईले बताए । उनले कोरोना संक्रमित युवकको कन्ट्रयाक्ट टे«सिङ समेत सुरु गरिएको जानकारी दिए ।

नगरप्रमुख राईका अनुसार रतुवामाईमा कोरोना संक्रमण देखिएसँगै उच्च सतर्कता अपनाइएको छ । भारतबाट लुकिछिपि नेपाल प्रवेश हुन नदिन कडाई गरेपनी आउने क्रम रोकिएको छैन । सीमामा थप कडाई गर्न सुरक्षाकर्मीसँगै म्यादी प्रहरीसमेत परिचालन गर्ने रतुवामाई, सुनवर्षी र रंगेली नगरपालिकाले निर्णय गरेका छन् ।