काठमाडाैं, ३ जेठ-स्वास्थ्य तथा जनसङ्ख्या मन्त्रालयको टोली धुलिखेल अस्पताल पुगेको छ । कोरोना भाइरस (काेभिड-१९) संक्रमित १ महिलाको मृत्यु भएपछि टोली धुलिखेल अस्पताल पुगेको हो ।

‘काेभिड-१९ कै संक्रमणले मृत्यु भएको रहेछ भने यो पहिलो केस हुनेछ’, अस्पताल स्रोतले भन्यो, ‘राष्ट्रिय विषय भएकाले चासो राख्नु स्वाभाविक हो । सत्य तथ्य बुझ्न मन्त्रालयको टोली धुलिखेल आएको हो ।’ उच्च ज्वरो आएपछि धुलेखल अस्पताल ल्याइएकी सिन्धुपाल्चोककाे बाह्रबिसेकी– २९ वर्षीया महिलाको शुक्रबार बेलुका मृत्यु भएको थियो ।

अस्पताल ल्याउनेबित्तिकै उनको मृत्यु भएको थियो । त्यसपछि अस्पतालले स्वाब निकालेर महिलाको पीसीआर परीक्षण गरेको थियो । आज बिहान पीसीआर र आरडीटी दुवै रिपोर्ट पोजिटिभ आयाे ।