झापाका २८ संक्रमितले जिते काेराेना - News Birat

झापाका २८ संक्रमितले जिते काेराेना

न्यूज विराट

धरान, जेठ २७-झापाका काेराेना संक्रमितमध्ये २८ जना निकाे भएर घर फर्किएका छन् । सुनसरीको धरानस्थित बीपी कोइराला स्वास्थ्य विज्ञान प्रतिष्ठानबाट मंगलबार १८ देखि ५६ वर्षका उमेर समूहका २८ जना निकाे भएर घर फर्किएका हुन् ।

स्वास्थ्य प्रोटोकलअनुसार दुई पटकसम्म पीसीआर जाँच गर्दा नेगेटिभ रिपोर्ट आएकाले घर पठाइएकाे प्रतिष्ठानका प्रवक्ता प्रा. डा. दिनेश सापकोटाले जानकारी दिए ।

२ साताअघि उनीहरू भारतबाट फर्किएका थिए । अब प्रतिष्ठानको आइसोलेसनमा ५५ जना उपचाररत रहेका डा. सापकाेटाले बताए । प्रतिष्ठानको आइसोलेसनबाट अहिलेसम्म ९९ जना निकाे भएर फर्किइसकेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles