काठमाडौं, ३१ वैशाख-काठमाडौ र भक्तपुरमा कोरोना संक्रमित भेटिएसँगै टेकु अस्पतालमा परीक्षण गर्नेको भीड लागेको छ ।  परीक्षणका लागि आउने अधिकांश काठमाडौ बाहिरबाट आएका मानिस छन् । साना बच्चदेखि वृद्धवृद्धासम्म परीक्षण्का लागि यतिवेला लाईनमा वसेका छन् ।

२ घन्टादेखि लाइन बस्दापनि परीक्षणका लागि पालो नआएको लाइनमा वसेका एक व्यक्तिले शिलापत्रलाई बताए ।अस्पतालले अचानक लागेको भीड नियन्त्रण गर्न नसक्दा टेकु अस्पताल परिसर यतिबेला भद्रगोल बनेको छ । चिकित्सक र नर्स लाइन बनाउने प्रयासमा जुटिरहेका छन् तर भीड वढेपछि यो प्रयास असफल भएको चिकित्सहकरु बताउँछन् ।

चिकित्सकले परीक्षणका लागि आएका मानसिलाई गोलो घेरामा राखेपनि भीड वढेपछि यो पालना हुन सकेको छैन । परीक्षणका लागि भर्खरका सुत्केरीदेखि, वालवालिका र जेष्ठ नागरिकसम्म छन् ।