काठमाडौं, ३० वैशाख-कोरोना रोकथाम नियन्त्रण तथा उपचार कोषमा सङ्घीय  संसदबाट थप २८ लाख ९७ हजार रुपैयाँ जम्मा गरिएको छ ।  यस अघि संसद सचिवालयले   १ करोड १ लाख जम्मा गरेकोमा मंगलबार पुन सांसदहरुको २८ लाख ९७ हजार रुपैयाँ जम्मा गरिएको छ ।

नेपाली कांग्रेसका ६५ जना संघीय सांसदले १५ दिनको पारिश्रमिक बराबर २० लाख ९४ हजार ८ सय ५५ र कांग्रेस सांसद दिलेन्द्र बडुले दिलेन्द्र बडुले र रंगमति शाहीले एक महिनाको तलब बराबर समान ६४ हजार ७० रुपैयाँ जम्मा गरेका छन् ।  यसअघि कांग्रेस केन्द्रिय समितिको तर्फबाट ५० लाख रुपैयाँ रकम प्रदान गरिएको थियो ।

त्यस्तै राष्ट्रिय जनता पार्टीका १८ सांसदले १५ दिनको पारिश्रमिक बराबर ५ लाख ७८ हजार जम्मा गरेका छन् । नेकपा सांसद नारायणकाजी श्रेष्ठले १ महिनाको पारिश्रमिक बराबर ६४ हजार ७० र विन्दा पाण्डेले १५ दिनको पारिश्रमिक बराबर ३२ हजार ३५ पारिश्रमिक उपलब्ध गराएका छन् ।