काठमाडौं,३० वैशाख  -सेयरबजार परिसूचक नेप्से खुलेको डेढ घण्टा हुन नपाउँदै २५ अंकले घटेर सर्किट लागेको छ ।  नेप्से परिसूचक २५.३० अंकले घट्दा १२२६.१५ अंकमा पुगेर कारोबार बन्द भएको हो ।

मंगलबार ८७ कम्पनीको १ लाख ६ हजार ३ सय १२ कित्ता सेयर २ सय ९१ पटकको किनबेचबाट १० करोड ४३ लाख ७२ हजार ६ सय ४६ रुपैयाँको कारोबार भयो ।

लकडाउनका कारण ५० दिन बन्द भएको सेयरकारोबार आज ११ बजेबाट सञ्चालनमा आएको थियो । कारोबार खुलेको समयबाटै ओरालो लागेको नेप्से आधा घण्टामा नै १६ अंकले घटेको थियो । सेयरबजार २ घण्टा मात्र खोल्ने प्रावधानअनुसार आजदेखि कारोबार खुला गरिएको हो ।