सप्तरी , बैशाख २८–सप्तरीमा पछिल्लो समय अवैध घरेलु मदिरा भारत तर्फ तस्करी हुने गरेको पाइएको छ । सप्तरीका विभिन्न सीमा नाकामा बन्दाबन्दीको मौका छोपी अवैध मदिरा भारत तर्फ ओसार पसार गर्ने गरेको पाइएको हो ।

सप्तरीको छिन्नमस्ता नाकामा मोटरसाईकलमा बोकेर भारततर्फ लैजाँदै गरेको अवैध घरेलु मदिरा, डिजेल र एउटा मोटरसाइकल नियन्त्रणमा लिएपछी यस्तो खुलासा भएको हो । इलाका प्रहरी कार्यालय सखडाबाट खटिएको प्रहरी टोलिले नेपालबाट अवैध रुपमा भारत तर्फ लैजाँदै गरेको ५० लिटर अवैध घरेलु मदिरा, ६० लिटर डिजेल र को.३८ प ८७७५ नं. को मोटरसाइकल समेत नियन्त्रणमा लिएको हो ।

गस्तिमा रहेको प्रहरी टोलिलाई तस्करहरुले देखेपछी डिजेल, मदिरा र मोटरसाइकल छाडेर फरार भएको इलाका प्रहरी कार्यालय सखडाका इन्चार्ज कल्याण आले मगरले जानकारि दिए । उनले बरामद गरिएको अवैध मदिरा ,डिजल र मोटरसाइकल आवश्यक कारवाहीका लागि राजविराज भन्सार कार्यालय तिलाठिमा बुझाइएको र फरार व्यक्तिहरुको खोजतलास जारी रहेको बताए ।