कोशी खेलकुद महोत्सवको तयारी पूरा, एक दर्जन खेल समावेश
विराटनगर । प्रथम कोशी खेलकुद महोत्सव – २०८१ को तयारी पूरा भएको छ । कोशी प्रदेश खेलकुद विकास बोर्डले आइतबार पत्रकार सम्मेलन गर्दै फागुन १३ गते देखि १८ गते सम्म संचालन हुने खेल महोत्सवको तयारी...
काठमाडाैं, २८ वैशाख-नेपाल कम्युनिस्ट पार्टी (नेकपा)का कार्यकारी अध्यक्ष एवम् पूर्वप्रधानमन्त्री पुष्पकमल दाहाल ‘प्रचण्ड’ले भारतले नेपालको सीमा अतिक्रमण गरेको विषयमा सरकारले अपनाउने कुटनीतिक पहल ठीक हुनुपर्ने बताएका छन् । प्रतिनिधिसभाअन्तर्गतको राज्य व्यवस्था तथा सुशासन समितिको आइतबारको बैठकमा अध्यक्ष प्रचण्डले सरकारले दिने वक्तव्य अर्थात् चिठी नीतिगत, सैद्धान्तिक र भावनात्मक रूपमा ठीक भएको तर कदम पनि ठीक तरिकाले जानुपर्ने बताएका हुन् ।
समितिका अन्य सदस्यहरूले सरकारले ठीक लेटर मात्र पठाउने तर एक्सन गर्न नसक्ने स्थिति रहेको बताएपछि अध्यक्ष प्रचण्डले उक्त कुरामा आफू सहमत भएको बताए ।
उनले भने, ‘सरकारको तर्फबाट दिने भनिएको परराष्ट्र मन्त्रालयको तर्फबाट दिने भनिएको वक्तव्य पनि मैले हेरेँ र उक्त लेटर नीतिगत, सैद्धान्तिक, भावनात्मक रूपमा पनि ठीकै छ। त्यो लेटरमा चिजहरू जो ओरियन्टेसन दिइएको छ, त्यो ओरियन्टेसन बेठिक छैन् भन्ने मलाई लाग्छ । यहाँ माननीय सदस्यहरूले पनि लेटर मात्रै ठीक भएर भएन्, एक्सन पनि ठीक हुन पर्यो भन्नुभएकाे छ, यसमा म सहमत छु ।’
विवादित सीमाका विषयमा भारत र चीन दुवै देशसँग छलफल गरिएको अध्यक्ष प्रचण्डकाे भनाइ छ । भारत र चीनले लिपुलेकको विषयमा गरेका सम्झौतापछि यो समस्या भारतसँगको मात्रै नभई त्रिदेशीय बनेकाे उनले बताए ।
