चिकित्सकले मृत्यु निश्चित छ भनेका डा. र्‍यान ४ हप्तापछि कोरोनालाई जितेर फर्किए

 न्यूज विराट
चिकित्सकले मृत्यु निश्चित छ भनेका डा. र्‍यान ४ हप्तापछि कोरोनालाई जितेर फर्किए

एजेन्सी, बैशाख ४-डा. र्‍यान पडगेट ४५ वर्षका भए । उनी सिएटलको किर्कल्यान्ड हस्पिटलको आपतकालीन विभागका चिकित्सक हुन् । शारीरिक फिट्नेसका कारण उनलाई साथीहरूले आइरस म्यानको उपनाम दिएइका थिए । तर, जब कोरोना भाइरसको संक्रमणले छोयो, तब उनी मृत्युको नजिक पुगे ।

उपचारमा संलग्न चिकित्सकहरूले उनलाई बचाउन नसकिने स्थितिमा पुगेको भन्दै माया मारे । तर, र्‍यान कोरोनालाई छलेर संक्रमणबाट मुक्त भएर फर्किएका छन् । उनी अमेरिकाको पहिलो संक्रमितको उपचार गर्ने चिकित्सकसमेत हुन् ।

उपचारका क्रममा आफ्नाबारेमा चिन्तित थिइनँ : डा. र्‍यान

‘१ दिनअघि जुन बिरामीको मृत्यु भएको थियो, उसलाई कोरोना भाइरस संक्रमण पोजेटिभ देखिएको फेब्रुअरीको अन्त्यमा साथीहरूले फोन गरेर बताए,’ डा. र्‍यान भन्छन्, ‘अमेरिकामा कोरोना भाइरस संक्रमणबाट मृत्यु भएको यो पहिलो घटना थियो ।’

त्यसपछि किर्कल्यान्ड कोरोना भाइरस संक्रमणको पहिलो केन्द्र बनेको उनी बताउँछन् । उनका अनुसार धेरैजसो बिरामीहरू वृद्ध थिए र उनीहरूको अवस्था गम्भीर प्रकृतिको थियो । ‘म उनीहरूको उपचारमा सामेल भएँ । त्यतिबेला मैले आफ्नाबारेमा कुनै चिन्ता लिइनँ,’ उनले भने, ‘तर, मार्चको पहिलाे साता अचानक टाउको र शरीरमा तीव्र पीडा हुन थाल्यो । यो मेरा लागि असामान्य थियो ।’

‘त्यसपछि मेरी प्रेमिकाले मलाई हस्पिटल जान सल्लाह दिइन् । तर, मैले अस्वीकार गरेँ,’ उनी अगाडि थप्छन्, ‘२ दिनपछि लाग्यो, म आफूले नै सेवा दिने अस्पतालमा आफैँ बिरामी बनेर जाँदै छु ।’

मृत्युको नजिक पुगेको थिएँ : डा. र्‍यान

र्‍यानका अनुसार १६ मार्चसम्म आइपुग्दा मुटु, मिर्गौला र फोक्सोले संघर्ष गरिरहेको थियो । कोमामा पुगेपछि भने जिन्दगीको आसै मारेको अनुभव गरेको उनी बताउँछन् ।

‘त्यसपछि स्वीडिस हेल्थ सर्भिसका सर्जन डा. म्याट हार्टम्यान र डा. स्याम्युअल युसिफले जिम्मेवारी सम्हाले,’ उनी भन्छन्, ‘उनीहरूले मलाई भनेका थिए– तिम्रो मृत्यु तय छ, किनकि योबाहेक अरू केही गर्न सकिने अवस्था छैन, तर अन्तिम प्रयास भने गरौँ । बाँच्यौ भने अन्य बिरामीका लागि यो उपचारले सहयोग मिल्नेछ ।’

उनीहरूले डा. र्‍यानलाई ईसीएमओ मेसिनमा राखे । जसलाई कृत्रिम मुटु र फोक्सोका रूपमा प्रयोग गरिन्छ, जसले रगतलाई निकालेर फेरि शरीरमा पठाउँछ ।

‘मार्चको तेस्रो साता ज्वरो कम भयो । २३ मार्चमा मेसिनलाई हटाइयो । २७ मार्चमा श्वास नली निकालियो । त्यसको २ हप्तापछि कोमाबाट जागेँ,’ उनी भन्छन्, ‘त्यसपछि थाहा भयो कि कोरोनाले सबैको जिन्दगीलाई तहसनहस बनाइरहेको छ ।’

सम्बन्धित समाचार

भोलि संविधान संशोधन विधेयक संसदमा दर्ता हुने

काठमाडौं, १७ जेठ-भोलि संविधान संशोधन विधेयक प्रतिनिधि सभामा दर्ता हुने भएको छ । संसद सचिवालय सम्भावित कार्यसूचीको पहिलो नम्बरमा संविधान संशोधन विधेयकलाई राखेको छ । यसअघि भने सम्भावित कार्यसूचीमा राखेर अन्तिम समयमा हटाइएको थियो । प्रमुख...

सत्ता गठबन्धनको निर्णय : जेठभित्रै स्थानीय चुनाव

सत्ता गठबन्धनले जेठ महिनाभित्रै स्थानीय तहको निर्वाचन गर्ने निर्णय गरेको  छ । उच्चस्तरीय राजनीतिक समन्वय समितिको बैठकले यो निर्णय गरेको सरकारका प्रवक्‍ता ज्ञानेन्द्र बहादुर कार्कीले बताए । बालुवाटारमा शनिबार बसेको बैठकले संविधानअनुसार कानुन संशोधन गरेर...

सीएनआई कोसी एक्स्पोमा अल्लो र ढाका कपडाको ‘ब्राण्डिङ’

विराटनगर । कोभिड १९ को महामारीले अप्ठेरो नपारेको भए मोरङको सुन्दरहरैंचा–१२ विराटचोककी सीता राई (आठपहरिया) ले अहिलेले युरोपसहित छिमेकी मुलक चीनमा पनि अल्लो, खाँडी र ढाकाका कपडा र तयारी पोषाकहरु निर्यात गरिरहेकी हुन्थिन् ।धनकुटामा जन्मिएर...

२४ घण्टामा १ हजार १२० जनामा कोरोना पुष्टि, १ हजार ११२ डिस्चार्ज

काठमाडौं, १७ भदौ-नेपालमा पछिल्लो २४ घण्टाको अवधिमा थप १ हजार १ सय २० जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयको कोभिड- १९ सम्बन्धी नियमित पत्रकार सम्मेलनमा प्रवक्ता प्रा.डा. जागेश्वर गौतमले देशभरका...

प्रचण्ड–नेपाल समूहका कार्यकर्ता र प्रहरीबीच झडप, प्रहरी निरीक्षक दिनेश गौतम घाइते

नेकपा प्रचण्ड–नेपाल समूहका कार्यकर्ता र प्रहरीबीच झडप भएको छ । त्यस समूहकी केन्द्रीय सदस्य रामकुमारी झाँक्रीलाई पक्राउ गर्न शंखमूलस्थित निवासमा पुगेको प्रहरीको टोली र नेकपाका कार्यकर्ताबीच झडप हुँदा सादा पोशाकमा खटिएका महानगरीय अपराध महाशाखाका प्रहरी...

जेठ २० सम्म लकडाउन थप्ने सरकारको निर्णय

काठमाडौं, ४ जेठ-सरकारले कोरोना भाइरस नियन्त्रणका लागि जारी गरेको लकडाउन जेठ २० सम्म निरन्तरता दिने भएको छ । आज प्रधानमन्त्री निवास वालुवाटारमा बसेको मन्त्रिपरिषद् बैठकले २० जेठसम्म लकडाउन थप्ने निर्णय गरेको हो । पछिल्लो पटक...

दरबार हत्याकाण्डः १९ वर्षदेखि रहस्यकै गर्भमा

काठमाडाैं, १९ जेठ-तत्कालीन राजा वीरेन्द्रसहित राजपरिवारका १० जना सदस्यको हत्या भएको दरबार हत्याकाण्ड भएको आज १९ वर्ष पुगेको छ । १९ वर्षअघि भएको यो रहस्यमय हत्याकाण्ड आजका दिनसम्म पनि कसले र किन गरायो भन्ने खुल्न सकेको...

प्रदेशमा बेरूजु शून्यमा ल्याउन र वित्तीय अनुशासनमा कुनै सम्झौता गर्दिन: मुख्यमन्त्री कार्की

विराटनगर । कोशी प्रदेशका मुख्यमन्त्री केदार कार्कीले प्रदेशमा अहिले देखिएको बेरूजु शून्यमा ल्याउन र वित्तीय अनुशासन कायम गर्ने विषयमा कुनै सम्झौता नहुने बताएका छन् । मुख्यमन्त्री तथा मन्त्रिपरिषद्को कार्यालयमा महालेखा परीक्षकको कार्यालयले बिहीबार आयोजना गरेको...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्