काठमाडौं, २५ वैशाख-कपिलवस्तुका २ जनामा पनि कोरोना भाइरस पुष्टि भएको छ ।  आज राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा उनीहरुमा कोरोना पुष्टि भएको हो ।

आज देखिएका कोरोना संक्रमित कपिलवस्तु–८ का १६ वर्षका र २२ वर्षका पुरुष रहेका स्वास्थ्य तथा जसंख्या मन्त्रालकया सहप्रवक्ता डा. समिरकुमार अधिकारीले जानकारी दिए । आज थपिएका संक्रमितको अवस्था सामान्य रहेको र उनीहरु अहिले स्वास्थ्यकर्मीको सम्पर्कमा रहेको डा. अधिकारीले जानकारी दिए ।

योसँगै नेपालमा कोरोना संक्रमितको संख्या १०१ पुगेको छ । जसमध्ये २२ जना निको भएर घर फर्किएका छन् । यद्यपि ३ जनामा पुनः कोरोना पोजिटिभ देखिएपछि उनीहरूलाई अस्पताल भर्ना गरिएको छ ।