राहत पर्खंँदै गन्धर्व बस्ती
तनहुँ, ३० चैत-१८ दिनयताको ‘लकडाउन’का कारण जिल्लाको भानु नगरपालिका–१ को गन्धर्व बस्तीमा खाद्य वस्तु अभाव भए पनि अझै राहत पुग्न सकेको छैन । आर्थिक अवस्था कमजोर भएका सो समुदायका २५ घरपरिवार राहतको पर्खाइमा छन् ।...
काठमाडौं, २५ वैशाख-सत्तारूढ दल नेपाल कम्युनिस्ट पार्टी (नेकपा)का असन्तुष्ट पक्षका २० जना स्थायी कमिटीका सदस्यले बिहीबार पार्टी कार्यालय धुम्बाराहीमा भेला गरेका छन् ।
२० गते बसेको सचिवालयले २५ गते स्थायी कमिटीको बैठक बोलाएको थियो । तर, बुधबार बसेको सचिवालय बैठकले कुनै निर्णय गर्न नसकेपछि आज बोलाएको स्थायी कमिटीको बैठक अनिश्चित भएको हो ।
स्थायी कमिटीको बैठक बोलाउन भन्दै २० जना स्थायी कमिटी सदस्यले १० गते नै हस्ताक्षर गरेर स्थायी कमिटीको बैठक बोलाउन माग गरेका थिए ।
बुधबार अध्यक्ष तथा प्रधानमन्त्री केपी शर्मा ओली सचिवालयको बैठबाट उठेर हिँडेपछि नेकपाको सचिवालय बैठक पनि बिनानिष्कर्ष सकिएको थियो । आज बिहीबार बोलाएको स्थायी कमिटीको बैठक पनि अनिश्चित बनेपछि असन्तुष्ट पक्षका स्थायी कमिटी सदस्यले पार्टी कार्यलय धुम्बाराहीमा नै भेला बोलाएका हुन् ।
