एजेन्सी, बैशाख २२-कोरोना भाइरस रोकथामका लागि मुलुकलाई लकडाउन गरिएका कारण भारतमा गत अप्रिल महिनामा समग्र औद्योगिक उत्पादनमा भारी गिरावट आएको छ ।

लकडाउनका कारण भारतका अधिकांश उद्योग प्रतिष्ठान बन्द गरिएपछि यस्तो अवस्था सिर्जना भएको हो । मागमा व्यापक कमी आएपछि नयाँ व्यवसाय यस अवधिमा सुरू हुन पाएका छैनन् भने हाल सञ्चालनमा रहेका उद्योग व्यवसायबाट पनि व्यापक मात्रामा कर्मचारी कटौती गरिएका छन् ।

यसैबीच, उत्पादित वस्तुको मागलाई यथावत राख्न उद्योग प्रतिष्ठानले लागत खर्च र उत्पादित सामग्रीको मूल्यमा पनि निकै कमी ल्याएका छन् ।

मार्चमा ५१.८ विन्दुमा रहेको आइएचएस मार्किट इन्डिया म्यानुफ्याक्चरिङ पीएमआई अप्रिलमा झण्डै आधाले घटेर २७.४ विन्दुमा झरेको छ । भारतमा मासिक पीएमआई गणना १५ वर्षदेखिको तथ्यांकक विश्लेषणका आधारमा हुने गरेको छ ।