काठमाडौं, २१ वैशाख-नेपालमा कोरोना संक्रमितको संख्या ७५ पुगेको छ । आइतबार एकै दिन १६ जनामा संक्रमण देखिएसँगै संक्रमितको संख्या ७५ पुगेको हो। आइतबार दिउँसो नेपालगन्जमा पाँच पुरुष र चार महिलामा कोरोना पुष्टि भएको थियो।

साँझ थप ६ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयले नेपालगञ्जकै थप ६ जनामा कोरोना संक्रमण पुष्टि भएको गरेको हो ।

आइतबार साँझ मन्त्रालयले विज्ञप्ति जारी गर्दै भेरी अस्पतालको प्रयोगशालामा गरिएको परीक्षणमा ३ पुरुष र ३ महिलामा कोरोना संक्रमण देखिएको जानकारी दिएको हो । नेपालगन्ज-८ का १६, २१, ३४ वर्षीय पुरुष र ४०, ५५, ६० वर्षीया महिलामा कोरोना संक्रमण देखिएको हो ।

स्वास्थ्य मन्त्रालयका सहप्रवक्ता समिर कुमार अधिकारीले संक्रमितको स्वास्थ्य अवस्था सामान्य रहेको बताए । संक्रमित सबैजना चिकित्सकको निगरानीमा रहेका छन् । बाँकेमा कोरोना संक्रमित बढ्दै गएपछि उच्च सतर्कता अपनाइको छ ।