काठमाडौं, १३ वैशाख-कोरोना भाइरसका संक्रमणको जोखिमलाई मध्यनजर गर्दै १४ हजार बढी व्यक्ति देशभरका विभिन्न क्वारेन्टाइनमा बसेका छन् । स्वास्थ्य मन्त्रालयका अनुसार देशभरका विभिन्न ठाउँमा १४ हजार ७ सय ३१ जना क्वारेन्टाइनमा रहेका छन् ।

स्वास्थ्य तथा जनसंख्या मन्त्रालयका प्रवक्ता विकास देवकोटाका अनुसार सबैभन्दा थोरै बागमती प्रदेश र सबैभन्दा धेरै प्रदेश ५ मा रहेका छन् । बागमती प्रदेशमा १ सय ३१ जना क्वारेन्टाइनमा बस्दा प्रदेश ५ मा ७ हजार ९ सय ५६ जना क्वारेन्टाइनमा बसेका छन् ।