सरकारी सङ्घसंस्था वा निकायबाट सहयोग आउने क्रम जारी छ । प्राप्त विवरणअनुसार अम्बे स्टिलले रु २५ लाख, सगरमाथा इन्स्योन्स कम्पनीले रु १६ लाख, नेपाल इँटा उद्योग महासङ्घले रु पाँच लाख कोषमा जम्मा गरेका छन् ।

यस्तै, नेपाल निजामती कर्मचारी सङ्गठन, अर्थ विभागीय कार्यसमितिले २ लाख एक हजार १११, क्षेत्रीय कृषि अनुसन्धान केन्द्रले १ लाख ६८ हजार ४५३, डिभिजन वन कार्यालय सल्यानले १ लाख ६२ हजार ५०५, चामुन्द्रा विन्दासैनी नगरपालिकाले १ लाख ५८ हजार १३३ जम्मा गरेको छ भने र भीमप्रसाद भट्टराईले १ लाख ३१ हजार १३१ रकम कोषमा जम्मा गरेका छन् ।

नाम नखुलेका तथा रु एक लाखभन्दा कम सहयोग गर्ने विभिन्न व्यक्ति तथा संस्थाको ४६ लाख ५९ हजार २८३ रकम जम्मा भएको प्रवक्ता पौडेलले जानकारी दिए । सरकारले गत चैत १० गतेदेखि राष्ट्रिय वाणिज्य बैंकको सिंहदरबार शाखामा उपचार कोष खाता सञ्चालनमा ल्याएको हो ।