राशिफल

तेस्रो प्रयासमा गच्छदारलाई हराउँदै भगवती चौधरीको संसद्‍ यात्रा

 न्यूज विराट
तेस्रो प्रयासमा गच्छदारलाई हराउँदै भगवती चौधरीको संसद्‍ यात्रा

विराटनगर । सुनसरीको क्षेत्र नं. ३ बाट प्रतिनिधि सभा सदस्यमा एमालेकी उम्मेदवार भगवती चौधरी विजयी भएकी छिन् । उनले काँग्रेसका नेता विजय गच्छदारलाई हराउँदै प्रतितिनिधि सभामा विजयी भएकी हुन् ।

२०७० सालको संविधानसभा निर्वाचन र २०७४ सालको प्रतिनिधिसभा निर्वाचनमा उम्मेदवार भएका गच्छदारसँग झिनो मतान्तरले पराजित भएकी थिइन्, चौधरी । तेस्रो प्रयासमा गत मंसिर ४ गते सम्पन्न प्रतिनिधिसभा निर्वाचनमा भने उनले गच्छदारमाथि सानदार जित निकालेकी छन् ।

चौधरीले ४०७८८ मत प्राप्त गरि गच्छदारलाई ५१८८ मतान्तरले पराजित गरेकी हुन् । गच्छदारले ३५६०० मत प्राप्त गरे ।

२०४८ यताका सबै निर्वाचन जित्दै आएका नेपाली कांग्रेसका नेता गच्छदारको सातौं पटकको संसद यात्रामा चौधरीले ब्रेक लगाएकी छन् । २०४८, २०५१, २०५६ र २०७४ को निर्वाचनमा नेपाली काँग्रेसबाट चुनाब जितेका गच्छदारले २०६४ को पहिलो संविधानसभा निर्वाचनमा मधेशी जनअधिकार फोरम र २०७० को दोस्रो संविधानसभा निर्वाचनमा मधेसी जनअधिकार फोरम लोकतान्त्रिकबाट चुनाब जितेका थिए ।

जुन पार्टीमा गएपनि लगातार चुनाब जित्दै आएका गच्छदारलाई नेपाली राजनीतिका चतुर खेलाडीको रुपमा चिन्ने गरिन्छ । उनले २०४८ मा उनले एमालेका लीला श्रेष्ठलाई झण्डै दोब्बर मतले पराजित गरेर पहिलो पटक सांसद छिरेका थिए । २०५१ को चुनावमा एमालेका कुलदीप पेशकर र २०५६ मा एमालेकै रेवतीरमण भण्डारीलाई गच्छदारले पराजित गरेका थिए ।

२०६४ को चुनावमा काँग्रेस छाडेर मधेसी जनअधिकार फोरमबाट उम्मेदवार बनेका उनले काँग्रेसका अगमलाल चौधरीलाई झन्डै दोब्बर मतले पराजित गरे । २०७० को दोस्रो संविधानसभा चुनावमा मधेसी जनअधिकार फोरम ९लोकतान्त्रिक० बाट उम्मेदवार बनेका गच्छदारले एमालेकी भगवती चौधरीलाई ३६२ मतले पछि पारेका थिए ।

आफ्नै नेतृत्वको फोरम ९लोकतान्त्रिक०लाई काँग्रेसमा विलय गराएर २०७४ को निर्वाचनमा उनी काँग्रेसबाटै उम्मेदवार बने । उनले दोस्रो पटक पनि भगवतीलाई पराजित गरे । त्यसबेला गच्छदारले धाँधली गरेर चुनाब जितेको भन्दै चौधरीले सर्वोच्च अदालतका दर्ता गरेको मुद्दाको किनारा नलाग्दै अर्को निर्वाचन भयो । यसपटक भने गच्छदारको खेल चलेन ।

विगतमा ६ पटक सांसद र १२ पटक मन्त्री भएका गच्छदारलाई चुनाब हराउन उनीमाथि लागेको भ्रष्टाचारको मुद्दा पनि सहयोगी भयो । अघिल्लो पटक चुनाब जितेर पनि मुद्दा दायर गरेपछि निलम्बित अवस्थामा रहेका गच्छदार यसपटक सांसद निर्वाचित भएपनि मुद्दामा सफाइ नपाएसम्म निलम्बित नै हुन्थे । भगवतीले त्यहि अवस्थालाई मतदाताको बिचमा राम्रोसँग दर्साउन सफल भइन् ।

सुनसरीको दुहबीमा चुनाबअघि आयोजित सभामा एमाले अध्यक्ष केपी शर्मा ओलीले भने संसदमै जान नपाउने व्यक्तिलाई भोट नहाल्न अपिल गरेका थिए । गच्छदारले जिते पनि भोट खेर जाने भन्दै गरिएको प्रचार चौधरीका लागि चुनाव जित्ने मुख्य आधार बन्यो । त्यसपछि गच्छदारले चुनाब जितेसम्म अरुले अवसर नपाउने भएकोले काँग्रेसभित्र सल्किएको असन्तुष्टि पनि चौधरीको सहयोगी बनिदियो ।

दुईपटक चुनाव हारेको भनेर चौधरीमाथि मतदाताको सहानुभूतिको भोट पनि थपियो । अन्ततः गच्छदारको तीन दशकदेखिको विरासत ढल्यो । चुनावमा विजयी भएपछि चौधरीले आफ्ना लागि मतदाताले चुनौती र अवसर दुवै दिएको बताएकी छन् ।

त्रिभुवन विश्वविद्यालयबाट मानविकी तथा व्यवस्थापन विषयमा स्नातकोत्तरसम्मको अध्ययन गरेकी चौधरी फरवार्ड लघुवित्तको अध्यक्ष हुन् । उनी नेकपा एमालेको केन्द्रीय सदस्य तथा सुनसरी जिल्ला सह–इन्चार्ज हुन् । उनी २०६४ सालको पहिलो संविधानसभामा समानुपातिक सांसद भएर वन तथा भू–संरक्षण राज्यमन्त्रीसमेत बनेकी थिइन् ।

सुनसरीको दुहबी २ स्थायी ठेगाना भएकी चौधरीको जन्मस्थान भने साबिक औराबनी गाविस ९हाल गढी गाउँपालिका० हो । २०५८ सालदेखि सक्रिय राजनीतिमा लागेकी उनी २०६४ सालमा नेकपा एमालेको सुनसरी जिल्ला समिति सदस्य बनिन् । २०७० सालमा कोसी अञ्चल समन्वय कमिटी सदस्य र २०७८ को चितवनमा सम्पन्न एमालेको १० औँ महाधिवेशनबाट केन्द्रीय सदस्य तथा श्रम तथा स्वरोजगार केन्द्रीय विभागको उपप्रमुख बनेकी छन् ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...