एजेन्सी, बैशाख १२ -कोरोना भाइरसको संक्रमणमा एक प्रभावकारी एन्टस् भाइरल ड्रग असफल भएको छ । यो यसभन्दाअघि ¥यान्डम क्लिनिकल परीक्षणमा असफल भएको थियो ।

यसलाई लिएर संसारभरमा निकै आशा गरिएको थियो । यसको नाम रेमडेसिभियर हो । विश्व स्वास्थ्य संगठनका दस्तावेजबाट यो कुराको पत्ता लागेको हो ।

कुल २३७ जना विरामीमा केहीलाई यो र केहीलाई प्लेसिबो दिइएको थियो । एक महिनापछि सो औषधि लिनेमध्ये १३.९ प्रतिशतको मृत्यु भएको छ भने प्लेसिबो लिनेमध्ये १२.८ प्रतिशत बिरामीको मृत्यु भएको छ ।

साइड इफेक्टका कारण यसअघि नै ट्रायल रोकिएको छ । यो खोप अमेरिकी फर्म गिलिएड साइन्सले बनाएको हो । रेमडेसिभियरबाट कोरोनाका कुनै पनि बिरामी निको भएनन् अर्थात रेमडेसिभियर औषधि दिएका विरामीमा भाइरसको मात्रामा कमी आएन ।

यो असफल भएको रिपोर्ट डब्लुएचओले विस्तृतमा प्रकाशित गरेको थियो । त्यसपछि डब्लुएचओले सो ड्राफ्ट रिपोर्ट भुलबस अपलोड भएको र पछि हटाइएको बताइएको छ ।

रिपोर्टअनुसार औषधि २३७ विरामीमा गरिएको थियो । यी विरामीमध्ये १५८ जनालाई रेमडेसिभियर दिइएको थियो भने ७९ प्लेसिबो दिइएको थियो ।

अमेरिकी फर्म गिलिएड साइन्सले विश्व स्वास्थ्य संगठनले पोस्ट गरेको सो रिपोर्टको विरोध गरेको छ । अमेरिकी फर्म गिलिएडका प्रवक्ताले भने, ‘यो पोस्टमा अध्ययनसँग जोडिएको अनुचित जानकारी सामेल थिए ।’