साझा पार्टीका संयोजक रवीन्द्र मिश्रले प्रमुख प्रतिपक्षी दलका सभापति शेरबहादुर देउवालाई सरकारले ल्याएका घातक अध्यादेशविरुद्ध एकजुट हुन, संसदभित्र र बाहिर रहेका दलहरू पनि जोडेर मोर्चा बनाउन अग्रसरता लिन आग्रह गरेक छन् ।

सरकारले ल्याएका अध्यादेशविरुद्ध डिजिटल अभियान चलाउन, संसदभित्र र बाहिर रहेका दलको संयुक्त मोर्चा निर्माण गर्न र संघीय संसदको बैठक बोलाउन सार्वजनिक आह्वान गरेपश्चात् संयोजक मिश्रले सभापति शेरबहादुर देउवा टेलिफोन सम्वादका क्रममा यस्तो बताएका हुन् ।

संयोजक मिश्रले मूल रूपमा २ विषयमा केन्द्रित भइ सभापति देउवासँग छलफल भएको बताएका छन् । उनले पहिलो विषयमा अध्यादेशविरूद्ध संसदभित्र र संसद बाहिर रहेका दलहरू पनि जोडेर मोर्चा बनाउन व्यापकस्तरको दबाब सृजना गर्न आग्रह गरेको बताएका छन् ।

‘पहिलो, सरकारले ल्याएका घातक अध्यादेशका विरूद्ध एक जुट हुन संसदभित्रका मात्र होइन संसद बाहिर रहेका दलहरू पनि जोडेर मोर्चा बनाउन अग्रसरता लिनोस्’ उनले भने ‘त्यसबाट अलि व्यापकस्तरको दबाब सृजना गरौँ। अन्यथा, अरूलाई खाने बाघले एकदिन कसैलाई पनि खान सक्छ।’