काठमाडौं, ६ बैशाख-विश्व स्वास्थ्य संठगन (डब्लुएचओ) ले वन्यजन्तुको मासुको व्यापारमा कडा प्रतिबन्ध लगाउन आग्रह गरेको छ । डब्लुएचओका महानिर्देशक डा.टेड्रोस एडहानम गेयब्रेससले सबै देशलाई कोरोना भाइरसको महामारीलाई मध्यनजगर गर्दै वन्यजन्तुको मासुको व्यापारमा प्रतिबन्ध लगाउन आग्रह गरेका हुन् ।

कोरोना भाइरसको महामारीको सुरुवात चीनको वुहानमा रहेको सीफुड मार्केटबाट फैलिएको अनुमान गरिएको छ । डा.टेड्रोसले जीवित जनावरको विक्री हुने बजारमा पनि मासु खानका लागि स्वच्छताका सबै मानक पूरा भएको निश्चित भएपछि मात्रै बिक्रीका लागि अनुमति दिन समेत आग्रह गरेका छन् ।

डा.टेड्रोसले भने, ‘बजार लाखौं मानिसका लागि खाना किन्ने ठाउँ हो । तर अधिकांश स्थानमा स्वच्छताको कमी रहनेगर्छ ।’ उनले एक आकलन अनुसार सबै नयाँ भाइरसमध्ये ७० प्रतिशत जनावरबाट आएको र सबै जवावरबाट मानिसमा भाइरस संक्रमण हुने तरिकालाई अनुसन्धान गर्ने र रोक्ने कोशिस गरिरहेको बताए ।