राहत पर्खंँदै गन्धर्व बस्ती
तनहुँ, ३० चैत-१८ दिनयताको ‘लकडाउन’का कारण जिल्लाको भानु नगरपालिका–१ को गन्धर्व बस्तीमा खाद्य वस्तु अभाव भए पनि अझै राहत पुग्न सकेको छैन । आर्थिक अवस्था कमजोर भएका सो समुदायका २५ घरपरिवार राहतको पर्खाइमा छन् ।...
जनकपुरधाम, ४ वैशाख-विश्वभर महामारीका रूपमा फैलिएको कोरोना भाइरसको जोखिम न्यून गर्ने सरकारले लकडाउन लागू गरेका बेला स्थानीय तह जनतालाई राहत दिनुका साट्टा विलासी गाडी किन्न टेण्डर निकालेका छन् । धनुषाको हंसपुर नगरपालिकाले करिब १ करोड मूल्यको सवारी साधन किन्नका लागि बिहीबार टेन्डर आह्वान गरेको छ ।
जनकपुरधामबाट प्रकाशित हुने एक ब्रोडसिट पत्रिकामा टेन्डर छापिएपछि स्थानीय आश्चर्यमा परेका छन् । स्थानीय सरकारको विलासिता उदाङ्गो भएको स्थानीय एक बुद्धिजीविको प्रतिक्रिया रहेको छ । कोरोनाजस्तो विश्वव्यापी महामारीको बेला नगरभित्रका गरिब, दलित र अभाव भएका भोकले छटपटाइ रहेका बेला नगरपालिकाले गैरजिम्मेवार तरिकाले टेन्डर आह्वान गरेपछि विरोध भएको छ । सो नगरपालिकामा नगरपालिकाको तर्फबाट राहतको कुनै कार्यक्रम अहिलेसम्म बढाइएको छैन । नगरपालिकाले यसअघि पनि महँगो मूल्य पर्ने एउटा गाडी किनिसकेको छ ।
मेयर-उपमेयर बीचको विवादका कारण गत १ वर्षदेखि नगरपालिकाको विकास कार्य प्रभावित हुँदै आएको छ । मेयर र उपमेयर एउटै पार्टी राजपाबाट रहे पनि उनीहरूको विवादका कारण करिव १ वर्ष नै विना काम समय व्यतित भयो । नगरपालिकामा झडप, हवाई फायरसहित १ जनाको ज्यानसमेत गएपछि मेयर र उपमेयर फरार हुनुपर्नेसम्मको अवस्थाको सिर्जना उत्पन्न भयो ।
अहिले भने संकटाका बेला विलासी गाडी किन्ट टेन्डर आह्वान गरेर नगरपालिका विवादमा तानिएको छ । मेयर रामज्ञान मण्डलले विज्ञापनप्रति पहिले अनभिज्ञता प्रकट गरे । उनले यस्तो बेला आफूहरूले टेन्डर निकाल्ने कुनै निर्णय नगरेको बताए । यद्यपि कामकारबाहीका लागि सवारी साधन आवयश्क रहेकाले लेखाशाखाले निकालेको हुन सक्ने उनको भनाइ छ ।
