धनगढी, १ वैशाख-कैलालीमा थप १ जना कोरोना संक्रमित भेटिएकी छन्। जिल्लाको लम्कीचुहा नगरपालिका– १ मा ६० वर्षीया महिलामा कोरोना पोजेटिभ देखिएको हो ।

लम्कीचुहा बहुमुखी क्याम्पसको क्वारेन्टाइनमा राखिएकी ती महिलाको र्‍यापिड टेस्टमा नेगेटिभ देखिए पनि राष्ट्रिय जनस्वास्थ्य प्रयोगशाला काठमाडौँमा परिक्षण गर्दा पोजेटिभ देखिएको छ ।

उनलाई एम्बुलेन्समार्फत सेती प्रादेशिक अस्पताल पठाइएको छ । योसँगै कैलालीमा कोरोना संक्रमितको संख्या ५ पुगेको छ भने नेपालमा कोरोना संक्रमितको संख्या १३ पुगेको छ ।