कोरोनाले छेक्यो सिरुवा पर्वको रौनक

 न्यूज विराट
कोरोनाले छेक्यो सिरुवा पर्वको रौनक

विराटनगर, १ वैशाख-नयाँ वर्षको आगमनसँगै तराईका विभिन्न जिल्लामा सिरुवा पर्वको अवसरमा लाग्ने मेला यस वर्ष कोरोना भाइरसको जोखिमका कारण नलाग्ने भएको छ ।

सिरुवा पर्वमा जुड शीत्तल मनाउने र आफ्ना खेतबारीमा रहेका बोट बिरुवामा पानी हाल्ने चलन पनि छ । जुड शीत्तल बुढापाकाले आफ्ना सन्तानको शीरमा पानी छर्केर मनाउने गरिन्छ । यसबाट उनीहरु निरोगी र दीर्घजीवी हुने मान्यता छ ।

सुनसरीको पन्चाइनबाट ३० चैतदेखि सुरु हुने सो मेला १ बैशाखमा इटहरी नगरपालिकाको उबधीमा, २ गते सुनसरीको चाँदबेलामा, ३ गते गढी गाउँपालिकाको गढीमा, ४ गते चरैयामा, ५ गते छिटहा र पचिरामा, ६ गते सुनसरीकै खनार नजिकै भुस्कुलवा हुँदै यो मेलामा महिनाभरि चल्दै चाँदबेलामा वैशाख २७ र २८ गते दुईदिन मेला लागेर विश्राम लिइन्थ्यो ।

स्थानीय ग्रामथानको पूजा हुने मेलामा अत्यधिक मानिसको भीड लाग्ने र भीडभाडले कोरोनाको सङ्क्रमण हुने भएकाले स्थानीय प्रशासनले रोक लगाएको हो ।

मेलामा विभिन्न व्यावसाय गर्ने मानिसले पनि पहिले नै पूँजी जुटाएर सामानहरु खरिद गर्ने र मेलामा बिक्री गरेर हजारौँ आम्दानी गर्न गर्दै आएका थिए ।

मेलामा हातमा मेहँदी लगाउने, जेरी तथा मिठाइ पसल सञ्चालन गर्ने, चिसो पेय पदार्थ बिक्री गर्ने गरिन्थ्यो । बालबालिकादेखि पाका उमेर समूहका मानिसरु मेलामा घुमेको देखेर रमाइलो मान्ने र मानिसहरुबीच सम्बन्ध बढ्ने भएकाले तराईमा यसको बेग्लै महत्व रहेको सुनसरी चाँदबेलाका देवनारायण चौधरीले बताए ।

यस वर्ष मेला स्थगित हुने स्वाभाविक भएको उनले प्रतिक्रिया दिए । सुनसरीका प्रमुख जिल्ला अधिकारी रमेश पौडेलले मेला लाग्दा भीडभाड बढ्ने भएकाले लकडाउनका अवधिमा कुनै पनि स्थानमा मेला लाग्न नदिइने जानकारी दिए ।

उनले सिरुवा पर्व परिवारभित्र मात्र मनाउन र कुनै पनि ठाउँमा भीड नगर्न आमनागरिकलाई अपिल पनि गरे ।

प्रजिअ पौडेलले लकडाउनको समयमा कुनै पनि नागरिक भारतबाट नेपाल प्रवेश नगरेको र रोक्नका लागि त्यस क्षेत्रमा सुरक्षा निकाय गम्भीर भएर लागेको स्पष्ट पारे ।

सुनसरीका प्रहरी उपरीक्षक यज्ञविनोद पोखरेलले परम्परादेखि सिरुवा पर्वमा लाग्ने मेला यसवर्ष लाग्न नदिने र यसका लागि मेला लाग्ने स्थानको पहिचान गरी प्रहरी परिचालन गरिने जानकारी दिए । रासस

सम्बन्धित समाचार

महावीर पुनले आज एम्बुलेन्स चालकलाई निःशुल्क पीपीई बाँढ्ने

महावीर पुनले आज काठमाडौं उपत्यकाका एम्बुलेन्स ड्राइभरहरुलाई निशुल्क पीपीई बितरण गर्ने भएका छन् ।एम्बुलेन्स ड्राइभरहरुले पीपीइको अभावमा एम्बुलेन्स चलाउन नमानेका खवर सार्वजनिक भएलगत्तै पुनले आफ्नो आबिष्कार केन्द्रबाट पीपीइ बितरण गर्ने जानकारी दिएका छन् । उनले...

मेची पर्यटन महोत्सवमा निकालियो कलशयात्रा

विराटनगर, फागुन ९–भ्रमण वर्ष २०२० लाई मध्यनजर गर्दै सुरु गरिएको पाथीभरा म्याराथुन तथा मेची पर्यटन महोत्सवको पहिलो दिन आज कलशयात्रा निकालिएको छ । ताप्लेजुङको सदरमुकाम फुङलिङको तोक्मेडाँडाबाट नौमती बाजासहित कलशयात्रा निकालिएको हो । बिहान ८...

विराटनगरमा रोटरी क्लब अफ विराटनगर डाउनटाउनद्वारा व्यापार मेला सुरु

विराटनगर । विभिन्न सामाजिक कार्यहरु गर्दै आएको रोटरी क्लब अफ विराटनगर डाउनटाउनले व्यापार मेला आयोजना गरेको छ । क्लबले विराटनगरस्थित सिटी प्यालेसमा व्यापार मेला ‘रोटरी ट्रेड फेयर’ आयोजना गरेको हो ।  मेलामा ५० भन्दा बढी...

भारतमा रेलको ठक्करबाट नेपाली युवकको मृत्यु

भारतमा रेलको ठक्करबाट नेपाली युवकको मृत्यु भएको छ । रेलको लिकमा हिँडिरहेका बेला विहारबाट पश्चिम बङ्गालको सिलीगुडीतर्फ जाँदै गरेको रेलले ठक्कर दिँदा झापा मेचीनगर नगरपालिका–६ का ३० वर्षीय विजय श्रेष्ठको मृत्यु भएको हो । उनलाई...

आजदेखि लुम्बिनीमा प्रेस चौतारी केन्द्रीय कमिटीको बैठक सुरु

काठमाडौँ, पुस १२ । प्रेस चौतारी नेपालको केन्द्रीय कमिटीको बैठक आजदेखि बुद्ध जन्मस्थल लुम्बिनीमा सुरु हुँदैछ । राष्ट्रिय महाधिवेशनको मिति निर्धारण लगायतका विषयमा छलफल गर्न बैठक बस्न लागेको हो । दुई दिनसम्म चल्ने बैठकमा केन्द्रीय...

कोशी प्रदेशको बजेट : स्वास्थ्यमा ३ अर्ब ७ करोड बजेट विनियोजन

विराटनगर । कोशी प्रदेश सरकारले आगामी आर्थिक वर्ष २०८०– ०८१ को लागि स्वास्थ्यमा तीन अर्ब बढी रकम बजेट विनियोजन गरिएको छ । आर्थिक मामिला तथा योजना मन्त्रालय समेत समालेका मुख्यमन्त्री हिक्मतकुमार कार्कीले आज अध्यादेशबाट आगमी...

छैटौं संस्करणको विराट गोल्डकप चैतमा

विराटनगर । छैटौं संस्करणको विराट गोल्डकप फुटबल प्रतियोगिता आगामी चैतको दोस्रो साताबाट हुने भएको छ । विराट गोल्ड कप फुटबल ट्रष्टले सोमबार पत्रकार सम्मेलन गरी चैत ६ देखि १४ गते गतेसम्म विराटनगरको सहिद रंगशालामा फ्लडलाइटको...

बुढीगंगामा मुक्ति समाजको ५१ सदस्यीय गाउँपालिका कमिटी गठन

विराटनगर, १४ फागुन । नेकपा (एमाले) को जनवर्गीय संगठन नेपाल उत्पीडित जातीय मुक्ति समाज मोरङले आक्रमक ढंगले संगठन सुदृढीकरण अभियानलाई तीब्रता दिएको छ । दलित समुदायका सवाल र मुद्धाहरुलाई राजनीतिकरुपमा उठान गर्दै आएको मुक्ति समाजले...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्