जनकपुरधाम,३० चैत-जनकपुरधामको महावीर चोकमा प्रहरी र व्यापारीबीच विवाद भएको छ । व्यापारीले प्रहरीमाथि दुर्व्यवहार गर्नुका साथै १ जना असइको मोबाइल समेत फोडिदिएका छन् ।

आइतबार बिहान लकडाउनको पालना नगरी महावीर चोकमा मोटरसाइकलमा मास्क नै नलगाई जाँदै गरेका जनकपुर उद्योग वाणिज्य संघका अध्यक्ष ललित साहलाई रोकेर मास्कबिना नहिँड्न आग्रह गर्दा आफूमाथि दुव्र्यवहार गरेको असई विद्यापति ठाकुरको आरोप छ ।

‘मास्क नलगाएर गइरहेको देखेपछि मैले साहलाई रोकेर सर मास्क किन लगाउनुभएको छैन् ? यस्तो महामारीको अवस्थामा मास्क लगाउनु नितान्त आवश्यक छ नि ! भनेर आग्रह गर्दा उहाँले मास्क घरमै बिर्सेर आएँ । त के गर्ने भन्दै गैरजिम्मेवारपूर्ण जवाफ फर्काउनुभयो’, असाई ठाकुरले भने’ त्यसपछि मैले उहाँलाई गाडीको बिलबुक र सवारी चालक अनुमतिपत्र देखाउन अग्रह गरे । तर, साहले कागजपत्र नदेखाई उल्टै स्थनीय दर्जनौँ व्यपारीलाई बोलाएर मलाई तथानाम गालीगलौज गर्दै धक्कामुकी समेत गर्न थाले ।’ धक्कामुकीको क्रममा आफ्नो मोबाइलसमेत साहले फोडेको असइ ठाकुरले बताए ।