करेन्ट लागेर १ जनाको मृत्यु
विराटनगर, २४ माघ । ताप्लेजुङको फुङलिङ नगरपालिका-५ मा बिद्युतको तार जोड्ने क्रममा करेन्ट लागेर सोही नगरपालिका-४ का ४८ बर्षिय सुर्य प्रकाश लिम्बुको मृत्यु भएको छ । आज बिहान साँढे ११ बजेको समयमा उक्त स्थानमा रहेको...
जगदम्बा स्टिलका सञ्चालक सुलभ अग्रवाललाई पक्राउ परेका छन् । ५ हजार पर्ने थर्मोमिटरलाई १५ हजारमा बिक्री गरेको आरोपमा उनलाई प्रहरीले पक्राउ गरेको हो ।
अग्रवाललाई महानगरीय अपराध महाशाखाको टोलीले पक्राउ गरेको महाशाखाका प्रमुख एसएसपी सहकुल थापाले बताए । उनलाई प्रहरीले नक्सालबाट पक्राउ गरेको हो ।
उनले केही दिनअघि नेपाल वायुसेवा निगमको जहाज चार्टर गरी कोरोना भाइरस संक्रमण भए नभएको पत्ता लगाउने इन्फारेड थर्मल गन र एन ९५ मास्क लगायतका मेडिकल सामग्री ल्याएको र ती सामग्री बजार मूल्यभन्दा अधिक मूल्यमा बचेको आरोपमा प्रहरीले उनलाई पक्राउ गरेको हो ।
कीर्गिस्तानका अवैतानिक महावाणिज्यदूतसमेत रहेका अग्रवालले लकडाउनको समयमा कालोबजारीका लागि कूटनीतिक सवारी प्रयोग गरेकोसमेत प्रहरीले जनाएको छ । उनले 209-HCC-1 नम्बरको निलो नम्बर प्लेटको कार चाढेर सोही गाडीमा ६७ ओटा थर्मोमिटरलाई १० लाख ५ हजार मूल्यमा बेच्न जाँदै गर्दा नक्सालबाट पक्राउ गरेको प्रहरीले जनाएको हो ।
