मंगलबारबाट खुलाउने भनिएको सेयर बजार कारोबार २५ चैतसम्म बन्द हुने भएको छ । सेयर लगानी कर्ता तथा ब्रोकरहरुले समेत लकडाउनको अवधि र कोरोनाको त्रास नहटेसम्मको लागि बन्द गर्न आह्वान गरेको समयमा नेपाल स्टक एक्सचेन्जले यस्तो निर्णय लिएको हो ।

सेयर बजारको कारोबार बन्दलाई निरन्तरता दिन नेपाल धितोपत्र बोर्डले नेपाल स्टक एक्सचेञ्जलाई सोमबार नै निर्देशन दिएको थियो । कोरोना भाइरसका कारण असहज अवस्था सिजर्ना भएको भन्दै लकडाउनको अवधीसम्म बजार बन्द गराउन निर्देशन दिएको बोर्डका अध्यक्ष भीष्मराज ढुंगानाले जानकारी दिएका थिए ।

नेपाल स्टक एक्सचेन्जले नेपाल धितोपत्र बार्डको निर्देशन बमोजिम आगामी चैत्र २५ गते सम्मका लागि शेयर बजारको कारेबार स्थगित गरेको जनाएको छ ।