कोरोना भाइरसका कारण जनकपुरधामको प्रसिद्ध धार्मिक स्थल जानकी मन्दिरको द्वार सर्वसाधारणका लागि बन्द गरिएको छ । मन्दिरमा पूजा हुन्छ तर सर्वसाधारणको प्रवेश रोकिएको जानकी मन्दिरका उत्तराधिकारी महन्थ रामरोशन दास वैष्णवले बताए ।

दर्शनार्थीको सुरक्षाका लागि बन्द गरिएको स्थानीय प्रसासनले जनाएका छन । स्थानीय प्रशासनकै आदेशमा रोकिएको हो । जानकी मन्दिरको इतिहासमा पहिलो चोटी सर्वसाधरणको दर्शन रोकिएको छ ।

भगवान रामको जन्मोत्सव एकसाता बाँकी रहेको छ । भगवान रामको ससुरालीमा रामनवमी प्रत्येक वर्ष भव्य रुपमा मनाउने गरिन्छ । प्रत्येक वर्ष सो अवसरमा लाखो श्रद्धालु जनकपुरधाम आउने गर्छन् ।

यसपाली उत्सवका त्यस्तो कुनै कार्यक्रम नराखिएको जानकी मन्दिरका उत्तराधिकारी महन्थ दासले बताए । लकडाउनका कारण जनकपुरधाममा कसैलाई प्रशासनले बाहिर निस्कन दिइरहेको छैन ।