कैलालीको धनगढीमा पनि कोरोना भाइरस (कोभिड १९) सङ्क्रमित बिरामी भेटिएका छन् ।सेती प्रादेशिक अस्पतालमा रहेका ३४ वर्षीय एक नेपालीमा कोरोनाको सङ्क्रमण भएको पुष्टि भएको छ ।

सेती प्रादेशिक अस्पतालका इमर्जेन्सी विभाग प्रमुख डाक्टर जगदीश जोशीले ती बिरामीमा कोरोनाको सङ्क्रमण भएको बताए । हाल उनको स्वास्थ्य अवस्था सामान्य छ।

अस्पतालमा रहेका बिरामीमा कोरोनाको सङ्क्रमण देखिएपछि उच्च सावधानी अपनाइएको जोशीले बताए । दुबईबाट आएका उनी चैत ११ गते अस्पताल भर्ना भएका थिए । ‘उनी दुबईबाट आएका हुन्। उनको बारेमा विस्तृत विवरण आएको छैन’ जोशी भने ।