विराटनगर, चैत १४–गत चैत ११ देखि सुरु भएको ‘लक डाउन’ का कारण जिवन यापनमा समस्या भएपछी नेपाल कम्युनिष्ष्ट पार्टी (नेकपा) मोरङका सदस्य सुभाषकुमार सरदारले मोरङको कटहरी गाउँपालिकामा दैनिक ज्यालादारी गरेर जिवन निर्वाह गर्ने विपन्न दलित परिवारलाई खाद्यान्न वितरण गरेका छन् ।

नेकपा मोरङका सदस्य तथा कटहरी गाउँपालिकाका सह–इन्चार्ज एवम स्थानीय समाजसेवी समेत रहेका नेता सरदारले स्थानीय उत्सव इट्टा उद्योगका सञ्चालक देवेन्द्रकुमार गुप्ताको सहयोगमा दैनिक ज्यालादारी मजदुरी गरेर जिवन निर्वाह गर्दै आएका दलित परिवारलाई खाद्यान्न वितरण गरेका हुन् ।

उनले ‘लक डाउन’ का कारण कठिनाई उत्पन्न भएपछी कटहरी गाउँपालिका–६ स्थित थलाहामा १ सय ५० विपन्न दलित परिवारलाई चालम, दाल, तरकारी, तेल, नुन लगायतका अति अवश्यकीय खाद्यन्न वितरण गरेका हुन् ।

उनले उत्सव इटा उद्योगका व्यवस्थापक पदम बस्नेतसमेतको उपस्थितीमा कोरोना भाइरसका कारण सम्भावित जोखिमलाई मध्यनजर गर्दै डेढसय परिवारको घर घरमै पुगेर २ हजार ५ सय केजी चामल, १ सय ५० पोका नुन, १ सय ५० लिटर तेल, १ सय ५० केजी दाल र ३ सय केजी तरकारी वितरण गरेका हुन् ।

‘यतिबेला कोरोना भाइरसका कारण देशनै ठप्प गरिएको छ । यहि अवस्थामा दिनहुँ जन मजदुरी गरेर खाने परिवारलाई समस्या पर्दै गएको छ । यस ठाउँमा धेरै जसो दिनभरी काम गरेर बेलुका परिवार चलाउने छन् ।’ उनले भने ,‘त्यसैले भोक भोकै बस्नुपर्ने अवस्था नआओस भनेर थोरै भएपनि राहत वितरण गरेका हौँ।’

नेता सरदारले ‘लक डाउन’ का कारण दैनिक मजदुरी गर्ने परिवारको जिवन यापनमा समस्य उत्पन्न हुन थालेकाले त्यस्ता परिवारलाई घरमै पुगेर ३ लाख रुपैयाँ बराबरको खाद्यान्न राहत स्वरुप वितरण गरिएको जानकारी एि । उनले ‘लक डाउन’ को अहिलेको अवस्थामा अन्य कुनै विकल्प नरहेकाले त्यस्ता परिवारलाई सवैले आ–आफ्नो ठाउँबाट सहयोग गर्न समेत आग्रह गरेका छन् ।

दलित समुदायको बाहुल्यता रहेको सो गाउँपालिकाको उक्त वडाका अधिकांश विराटनगर महानगरपालिका दैनिक मदजुरीका लागि जाने गरेका छन् ।

सवै तिर बन्द भएपछी उनिहरुलाई जिवनयापनमा समस्या पर्दै गएको छ । नेपाल कम्युष्टि पार्टी मोरङले २ दिन अघि ‘लक डाउन’ का कारण विभिन्न समस्यामा परेकाहरुलाई आ–आफ्नो ठाउँबाट सहयोग र उद्धार गर्न जिल्लभरीका नेता कार्यकर्ताहरुलाई अपिल गरेको थियो ।