मोरङको मिक्लाजुङ गाउँपालिका–५ धानखेती बस्ने २२ वर्षीय जीवन बिकको माछा पोखरीमा डुबेर मृत्यु भएको छ । शुक्रबार दिउँसो आफ्नै घर नजिक रहेको माछा पोखरीमा उनी मृत फेला परेका हुन् ।

पोखरीमा डुबेर मृत अवस्थामा निजका आफन्तले देखेपश्चात प्रहरी खबर गरेका थिए । खबर प्राप्त भएसँगै घटनास्थल पुगेको प्रहरी टोलीले घटनाको विषयमा अनुसन्धान गरिरहेको प्रदेश प्रहरी कार्यालय विराटनगरले जनाएको छ ।