राशिफल

अभिभावकको रोजाइमा किड्स भिलेज स्कुल

 न्यूज विराट
अभिभावकको रोजाइमा किड्स भिलेज स्कुल

विराटनगर । नयाँ–नयाँ प्रविधिहरुको विकास भएसँगै शैक्षिक क्षेत्रमा पनि निकै परिवर्तनहरु आएको छ । शिक्षण सिकाइमा तल्लो तह देखी नै नयाँशैली र विद्यि अवलम्बन गर्न थालिएको छ । पछिल्लो समय बालबालिकाको सिकाईका लागि मन्टेश्वरी विधी अभिभावकहरुको रोजाइ बनेको छ । सामान्यतया २ देखी ५ वर्ष उमेर समुहका बालबालिकालाई खेलखेलाउदै सिकाउने गरिन्छ ।

यसबाट बालबालिकाले प्रयोगात्मक तरिकाबाट आफै सिक्ने र पढ्ने वातावरण पाउने भएकाले आफ्ना बालबालिकाको सुन्दर भविष्य बनाउन अभिभावकहरुको मुख्य रोजाईमा यस्ता ठाउँहरु पर्ने गरेको छ । व्यस्त जिवनका शैली र एकल परिवारका कारण पनि अभिभावकलाई आफ्ना बालबालिकाको हेरचाह र पढाइका लागि समयको अभावका कारण पनि १८ महिना नपुग्दै मन्टेश्वरीमा भर्ना गर्ने प्रवृती पनि बढेको छ ।

स्थापना कालदेखि नै विद्यार्थीहरुलाई गुणस्तरीय शिक्षा दिदै आएको विराटनगर ५ कृषीमार्गमा रहेको किड्स भिलेज स्कुल विद्यार्थी र अभिभावको रोजाइमा पर्ने विद्यालय मध्येको एक हो ।

किड्स भिलेजमा बालबालिकाले प्रयोगात्मक तरिकाबाट आफै सिक्ने र पढ्ने वातावरण भएको कारणले अभिभावको रोजाइमा परेको छ ।

स्कुलले छोटो समयमानै गुणस्तरीय शिक्षा प्रदान गरी विद्यार्थी र अभिभावक माझ आफ्नो भिन्न पहिचान बनाउँदै अभिभावक र विद्यार्थीको पहिलो रोजाइ बन्न सफल भएको छ ।

प्ले ग्रुपदेखि कक्षा यूकेजीसम्म पूर्ण मन्टेश्वरी विधिबाट पठनपाठन हुँदै आएको, शान्त र भयरहित बावतरणमा निर्धक्ताका साथ पठनपाठन हुने यस स्कुलको भौतिक पूर्वाधार सुविधासम्पन्नयुक्त रहेको छ । स्कुलमा विद्यार्थीहरूका लागि पर्याप्त मात्रामा फराकिलो खेलमैदान, उपयुक्त कक्षा कोठाहरू, अत्याधुनिक सुविधासम्पन्न भवन, प्रयोगशाला, विद्यार्थीहरूको लागि उपलब्ध छन् । जहाँ सुरिक्षत तवरले शान्त वाताबरणमा विद्यार्थीले अध्ययन गर्न पाउँछन् ।

समग्रमा, विद्यार्थीहरूको सर्वाेपरि विकास तथा प्रगतिका लागि आवश्यक पर्ने सम्पूर्ण पूर्वाधारहरूको व्यवस्थापनमा विद्यालयले कुनै सम्झौता गरेको छैन । एक नमुना विद्यालयको रुपमा दरिएको यस किड्स भिलेजले भौतिक सुविधाका साथै विद्यार्थीमैत्री शैक्षिक वातावरण, संस्कार र सिपसहितको शिक्षामा विशेष जोड दिँदै आएको छ । कक्षा ६ सम्म पढाइहुने स्कुलमा सफा तथा स्वस्थकर खाजा समेत पलब्ध रहेको छ । जसले शैक्षिक गतिविधिलाई थप गतिशील तथा सकारात्मक बनाउन सहयोग गरेको छ ।

मन्टेश्वरी तालिम लिएका अनुभवी शिक्षिकाहरूबाट बालवालिकाहरुलाई खेलाउँदै सिकाउने गरेको किड्स भिलेज स्कुलका प्रिन्सिपल विजय दाहालले बताए । २०७० सालमा स्थापना भएको विद्यालयले छोटो समयमा गुणस्तरीय शिक्षा प्रदान गरेको कारणले विराटनगरमा किड्स भिलेज स्थापित हुन सफल भएको छ । अहिले प्लेग्रुपसम्म २ सय जना बालवालिका रहेका छन् भने कक्षा ६ सम्म ३८० जना विद्यार्थी छन् । यस स्कुलमा एउटा कक्षा कोठामा २० देखि २२ जनासम्म मात्र विद्यार्थी राख्ने गरिएको छ । प्लेग्रुप र नर्सरीमा २ जना शिक्षिका र एक जना सिस्टर अनिवार्य राख्ने गरिएको छ ।

सीमित सिटमा प्ले– ग्रुप र नर्सरीमा अक्षरारम्भ
किड्स भिलेज स्कुलमा सीमित सिटको लागि प्ले–ग्रुप र नर्सरीमा अक्षरारम्भ कार्यक्रम राखिएको छ ।
वसन्तपञ्चमीको पावन अवसरमा विद्यालयद्धार सरस्वती पूजा, अक्षरारम्भ तथा नयाँ भर्ना कार्यक्रम राखिएको प्रिन्सिपल विजय दाहालले जानकारी दिए ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...