सरकारले सम्भव भएसम्म निजी क्षेत्रका कार्यालयहरू बन्द गर्नका लागि आह्वान गरेको छ । प्रधानमन्त्री केपी शर्मा ओलीले देशवासीका नाममा सम्बोधन गर्दै विद्युतीय माध्यमको प्रयोग गर्दा हुने कार्यालयहरू बन्द गर्नका लागि आह्वान गरेका हुन् ।

तर,  सरकारी र अत्यावश्‍यक क्षेत्रका निजी क्षेत्रका कार्यलयहरू भने यथास्थितिमा सञ्चालनमै रहनेछन् । बैंकिङ क्षेत्रमा पैसा राख्न र पैसा निकाल्न कुनै समस्या पर्नेछैन । बैंकहरूले यसअघि नै थप सुविधा दिएका छन् । जुनसुकै एटीएमबाट पैसा निकाल्दा पनि पैसा नलाग्ने व्यवस्था गरेको छ भने कनेक्ट आईपीएस तथा अन्य मोवाइल बैंकिङ कारोबारमा पनि पैसा नलाग्ने व्यवस्था गरेको छ ।