सरकारले विदेश जान नपाएका नेपालीलाई स्वदेशमै रोजगारी दिन भएको छ ।कोरोना भाइरसबाट मुलुकलाई जोगाउन सरकारले गरेको पूर्वतयारीका बारेमा जानकारी दिन बिहीबार सञ्चार तथा सूचना प्रविधि मन्त्रालयमा आयोजित पत्रकार सम्मेलनमा सरकारका प्रवक्तासमेत रहेका अर्थ एवं सञ्चार तथा सूचना प्रविधिमन्त्री डाक्टर युवराज खतिवडाले यस्तो बताएका हुन् ।

व्यक्ति स्वयं र अन्यलाई पर्न सक्ने जोखिमलाई रोक्नका लागि विदेशिक रोजगारीमा जाने र फर्कने दुवैलाई रोक लगाउनुपरेको भन्दै उनले वैदेशिक रोजगारीमा गएर फर्किएका र फेरि जान नपाएका इच्छुकलाई प्रधानमन्त्री रोजगार कार्यक्रमअन्तर्गत श्रम गर्ने व्यवस्था मिलाइने बताए ।

वैदेशिक रोजगारीमा जान रोक लगाएकै कारण विप्रेषणमा प्रभाव नपर्ने दाबी उनले गरे । विप्रेषणको वृद्धिदर लामो समयदेखि उच्च रहँदै आएको र वर्तमान अवस्थामा बैकसँग पर्याप्त तरलता रहेकाले मुद्रा र पूँजी बजारमा ठूलो वित्तिय समस्या पर्ने स्थिति नरहेको उनले बताए ।