आईसीपी विवादित, ट्रान्स नेपालका सञ्चालक राठीद्वारा अनधिकृत रकम असुल गरेको खुलासा

 न्यूज विराट
आईसीपी विवादित, ट्रान्स नेपालका सञ्चालक राठीद्वारा अनधिकृत रकम असुल गरेको खुलासा

विराटनगर, फागुन २६–भारत सरकारको पूर्ण अनुदान सहयोगमा निर्माणसम्पन्न भएको करिब एक सय ६० करोड लगानीको आईसीपीमा विराटनगर भन्सारमा रहेको ट्रान्स नेपालले कब्जा गरेपछि अहिले हल्लिखल्ली हुन थालेको छ ।

गत महिना मात्र नेपाल र भारतका प्रधानमन्त्रीले संयुक्तरूपमा भिडियो कन्फ्रन्सिङका माध्यमबाट उद्घाटन गरेको विराटनगर भन्सारको आईसीपी सञ्चालनमा आएसँगै विवादित बन्न पुगेको थियो । सरकारले भन्सार विभागमार्फत आईसीपीको ठेक्का आह्वान नगररिकन कुनै निजी कम्पनीले आईसीपीको गोदाममा सामान राखेबापत भाडा असुली गर्न थालेपछि ट्रान्स नेपालका सञ्चालक मुकेश राठीले आईसीपी कब्जाको रणनीति लिइएको रहस्य खुल्न पुगेको हो ।

विराटनगरका उद्योगी मुकेश राठीको ट्रान्स नेपाल नामक निजी कम्पनीले आईसीपी कब्जा गरेको हो । ट्रान्स नेपालले आईसीपीको गोदाममा सामान राखेबापत उद्योगी,व्यापारी तथा भन्सार एजेन्टहरूसँग दैनिक १० देखि १५ लाखसम्म असुली गर्ने गरेको रहस्य त्यहाँ कार्यरत भन्सार एजेन्टहरूले खोल्न थालेपछि आईसीपी कब्जाको रणनीति सञ्चालक राठीले लिएको दाबी समाचारस्रोतले गरेको हो ।

यसरी असुल गरिएको रकम मासिकरूपमा तीन अर्बको हाराहारीमा हुने गरेको कुरा बताइन्छ । उक्त रकम विराटनगर भन्सारमा रहेको ट्रान्स नेपालको खातामा सोझै जम्मा हुने गरेको रहस्य पनि खुल्न पुगेको छ । उक्त रकम कमिशनबापत सञ्चालक मुकेश राठीले प्रमुख भन्सार अधिकृतदेखि भन्सार अधिकृत सम्मलाई कमिशनबापत दिने गरेको रहस्य पनि समाचारस्रोतले खोलेको छ ।

पछिल्लो समय विराटनगर भन्सारको आईसीपीमा उद्योगी राठीबाट हुने अनधीकृत रकम कब्जाको विषयमा प्रश्नसमेत उठ्न थालेपछि केही अगाडि मात्र विराटनगर भन्सारका कर्मचारीदेखि भन्सार एजेन्टसम्मलाई ट्रान्स नेपालका सञ्चालक राठीले विराटनगर बसपार्कसँगै सञ्चालनमा रहेको बिग होटलमा भव्य ककटेल पार्टी दिएर घटनालाई सामसुम बनाउने प्रयास गरेको दाबी समाचारस्रोतले गरेको छ ।

यति मोटो रकम ट्रान्स नेपालका नाममा सञ्चालक राठीबाट चलखेल हुँदासमेत भन्सार विभागदेखि अर्थ मन्त्रालयसम्म सरकारी राजस्व असुली गर्नेतर्फ सक्रिय नदेखिएपछि राठीले मन्त्रालयदेखि नै सेटिङमा विराटनगरको आईसीपी कब्जा गरेको दाबी समाचारस्रोतले गरेको छ ।

उद्योगी मुकेश राठीको ट्रान्स नेपाल नामक कम्पनीले विराटनगर भन्सार कार्यालयको पुरानो भन्सार गोदामको मात्र ठेक्का पाएको थियो । अहिले उसको ठेक्काको अवधि पनि सकिन लागेको कुरा थाहा भएको छ । उक्त ठेक्का ट्रान्स नेपालले अर्थ मन्त्रालयमार्फत पुरानो गोदामको लागि मात्र पाएको कुरा बताइएको छ । भर्खरै सञ्चालनमा आएको आईसीपीमा भन्सार क्लियरिङ गर्ने भन्सार एजेन्टसमेतलाई दैनिक काम गर्ने व्यवस्थासमेत सरकारले मिलाउन नसकेको अवस्थामा पुरानो भन्सारबाटै भन्सार क्लियरिङको काम भइरहे पनि आईसीपी प्रयोग गरेबापत प्रत्येक भन्सार एजेन्टसँग पैसा असुल गर्न थालेपछि राठीको द्रव्यमोह खुल्न पुगेको छ ।

भारत सरकारको पूर्ण अनुदान सहयोगमा निर्माण भएको आईसीपीको ठेक्का नै नलिइकन सरकारी सम्पतिलाई जबरजस्ती कब्जा गरेर भाडा असुली गर्न नपाइने तर्क स्थानीय उद्योगी तथा व्यवसायीको छ । अहिले पछिल्लो समय मात्र ट्रान्स नेपालले आईसीपीमा भन्सार क्लियरिङ गर्न जाने प्रत्येक भन्सार एजेन्टहरूसँग प्रतिकोठाबापत एक भन्सार एजेन्ट बराबर आठ हजारका दरले मासिक भाडासमेत असुली गर्न थालेपछि उद्योगी राठीको आईसीपी कब्जा प्रकरण खुल्न पुगेको छ । सुलसुले डटकमबाट

सम्बन्धित समाचार

अन्तःशुल्कको स्टिकरसहित व्यापारी पक्राउ प्रकरण, १९ लाख ८८ हजार धरौटिमा रिहा

विराटनगर । एक पटक प्रयोग भइसकेको अन्तःशुल्कको स्टिकर पुनप्र्रयोग गरेर राज्यलाई कर छली गरेको आरोपमा पक्राउ परेका व्यापारी मोरङको धनपालथान गाउँपालिका – ४ का ४८ वर्षीय सुनीलकुमार राजवंशी झण्डै २० लाख रुपैयाँ धरौटिमा रिहा भएका...

ओली-प्रचण्डबीचकाे छलफल सुरु

काठमाडौं, ९ भदौ-प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल (प्रचण्ड) बीच बालुवाटारमा छलफल सुरु भएको छ । दुबै अध्यक्षबीच नेकपा कार्यदलले पेस गरेको प्रतिवेदनमाथि छलफल सुरु भएकाे हाे । ३०...

चर्चित र्‍यापर क्रिसमाथि याैन अपराधकाे आरोप, ११ कम्पनीले रद्द गरे सम्झाैता

चीनका एक होनहार कलाकार क्रिस वूमाथि यौन उत्पीडनको गम्भीर आरोप लागेको छ । चिनियाँ-क्यानाडेली र्‍यापर क्रिसमाथि १९ वर्षीया डू मीजुले यस्तो आक्षेप लगाएकी हुन् । यो महिनाको सुरुमा डू मीजुले सामाजिक सञ्जालमार्फत क्रिसको व्यविचार र हिंसक...

खानेपानीको संरक्षण र समोचित उपयोगमा जोड

विराटनगर । खानेपानीको संरक्षण र समोचित उपयोगका लागि उपभोक्ता तथा सरोकारवालाहरुको सचेतना अभिवृद्धि गर्नुपर्नेमा जोड दिएका छन् । कोशी प्रदेश खानेपानी तथा सरसफाई विधेयकको मस्यौदामाथि सोमबार विराटनगरमा भएको छलफल कार्यक्रममा सरोकारवालहरुले यस्तो बताएका हुन् ।छलफलका...

प्रदेश १ः नामाकरणका लागि निर्णयक रहेको प्रमुख प्रतिपक्षी एमालेले थाल्यो छलफल

विराटनगर, २९ जेठ प्रदेशसभाको कार्यकाल सकिन लागेपछि प्रदेश १ को नामाकरणको विषयमा औपचारिकरुपमा छलफल सुरु भएको छ । नामाकरणका लागि प्रदेशसभामा निर्णायक रहेको प्रमुख प्रतिपक्षी नेकपा (एमाले) ले छलफल सुरु गरेको हो । प्रदेशको नामारण...

उपत्यका भित्रिने नाकामा थप कडाइ

काठमाडौं २४ वैशाख-जिल्ला प्रशासन कार्यालय, काठमाडौंका प्रमुख जिल्ला अधिकारी जनकराज दाहाल, महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक भीमप्रसाद ढकाल, नेपाल प्रहरी, नेपाली सेना र सशस्त्र प्रहरीको टोलीले काठमाडौं उपत्यका भित्रिने मुड्खु, नागढुङ्गा, साँखु,...

मल कारखानाको सम्भाव्यता अध्ययनका लागि तीन सदस्य समिति गठन

काठमाडौं, २७ कात्तिक-सरकारले नेपालमा रसायनिक मल कारखाना खोल्नका लागि सम्भाव्यता अध्ययन गर्न तीन सदस्य समिति गर्ने निर्णय गरेको छ । प्रधानमन्त्रीको प्रस्तावमा स्वेदशमा मल कारखाना खोल्ने सम्बन्धमा अर्थमन्त्रीको नेतृत्वमा उद्योगमन्त्री र कृषि मन्त्रीसहितको तीन सदस्यीय...

मोरंगको पथरीमा जग्गा बिबादमा आमाको हत्या , हत्या आरोपमा छोरा पक्राउ

विराटनगर, १८ माघ । मोरङको पथरी शनिश्चरे नगरपालिका-२ का ४८ बर्षीय कमल श्रेष्ठलाई आमाको हत्याको आरोपमा प्रहरीले पक्राउ गरेको छ । श्रेष्ठलाई आफ्नै ९० बर्षीया आमा जगमाया श्रेष्ठको हत्या आरोपमा प्रहरीले पक्राउ गरेको हो ।...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्