कृष्णप्रसाद सिग्देल यूवा पत्रकारिता पुरस्कारबाट बुढाथोकी पुरस्कृत - News Birat

कृष्णप्रसाद सिग्देल यूवा पत्रकारिता पुरस्कारबाट बुढाथोकी पुरस्कृत

न्यूज विराट

विराटनगर, फागुन १८–कृष्णप्रसाद सिग्देल यूवा पत्रकारिता पुरस्कार पत्रकार किशोर बुढाथोकीलाई प्रदान गरिएकोे छ । प्रेस संगठन नेपाल, मोरङले आयोजना गरेको सपथ ग्रहण एवं पुरस्कार वितरण कार्यक्रममा आज पत्रकार बुढाथोकीलाई पुरस्कार प्रदान गरिएको हो ।

अन्नपूर्ण पोष्ट दैनिकमा त्रकारीता गर्दै आइरहेका पत्रकार बुढाथोकीलाई नगद १० हजार १ सय ११ रुपैयाँसहित पुरस्कृत गरिएको हो । कृष्णप्रसाद सिग्देल यूवा पत्रकारिता पुरस्कार तत्कालिन प्रेस चौतारीले स्थापना दिवसको अवसरमा वितरण गर्दै आईरहेको छ । तत्कालिन माओवादी केन्द्रको प्रेस सन्टर र एमालेको प्रेस चौतारीको एकतापछी बनेको प्रेस संगठनले आईतबार पुरस्कार वितरण गरेको हो ।

सो पुरस्कारबाट यसअघि पत्रकार भक्त राई, शान्ति दाहाल, मिलन के राउत, कमल रिमाल र सुमन सुस्केरा पुरस्कृत भइसेका छन् । आज आयोजित कार्यक्रममा प्रेस संगठन मोरङका संयोजक सुदीप कोइराला सहीत ३५ जनाले सपथग्रहण गरेका छन् ।

कार्यक्रममा नेकपाका केन्द्रीय सदस्या तथा प्रेस संगठन इन्चार्ज राजेन्द्र गौतमले शुभकामना मन्तव्य व्यक्त गर्दै पार्टी र प्रेस संगठनबिच नङ र मासुको सम्बन्ध हुनु आवश्यक रहेको बताए । ‘सरकारले गरेका राम्रा र नराम्रा कामलाई औल्याउनु पत्रकारहरुको दायीत्व हो ।’ उनले भने,‘ यसका लागि पनि संगठनका पत्रकार र पार्टी बिचको सदभाव आवश्यक छ ।’

कार्यक्रममा नेकपाका केन्द्रीय सदस्य तथा मोरङ इन्चार्ज गोपी अच्छामी , नेकपाका केन्द्रीय सदस्य तथा मोरङ इन्चार्ज महेश रेग्मी, केन्द्री सदस्य विनोद ढकाल, नेपाल पत्रकार महासंघ प्रदेश नः १ का अध्यक्ष विक्रम लुईटेल लगायतले शुभकामना व्यक्त गरे ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles