विराटनगर, फागुन १६–मोरङको ग्रामथान गाउँपालिका–६स्थित पब्लिक क्याम्पसको १ करोड लागतमा बन्ने भवनको शिलन्यास गरिएको छ । धनिबनि गाउँस्थित सो क्याम्पस परिसरमा आज आयोजित कार्यक्रमकाबीच प्रदेश एकका उद्योग,पर्यटन,बन तथा वातावरण राज्यमन्त्री विजयकुमार विश्वासले भवनको शिलन्यास गरे ।

मोरङ क्षेत्र नं. ४ को पूर्वाधार विकास कोषबाट १ करोड बजेट बिनायोजन भइ अहिले ५० लाख बजेट आएपछि पब्लिक क्याम्पसको भवनको शिलन्यास गरिएको हो । अढाइ कठ्ठा क्षेत्रफलमा २ तले भवनसहित ६ कोठाको क्याम्पसको भवन निर्माण हुने क्याम्पस प्रमुख झमककुमार दाहाले बताए ।

तीन कोठाको पहिलो तलाको निर्माण कार्य आउँदो असार मसान्तसम्म निर्माण पुरा हुने उनले जानकारी दिए । उपभोक्ता समिति गठन गरेर निर्माणकार्य सुरू गर्ने क्याम्पस प्रमुख दाहालको भनाई छ । २०५९ सालदेखि बिबिएस र बिएड पढाइ हुने उक्त क्याम्पसमा मोरङको चार वटा स्थानिय तहमा रहेका विद्यार्थीहरू अध्ययरत रहेको प्राध्यापक नरेन्द्र बस्नेतलले बताए ।

पुर्वाञ्चल विश्व विद्यालयबाट सम्बन्धन प्राप्त सो क्याम्पसमा बुढीगंगा, धनपालथान र कटहरी गाउँपालिकाका ४ सय ९६ जना विद्यार्थीहरू अध्ययरत छन् । कार्यक्रममा राज्यमन्त्री विश्वासले सो क्याम्पसलाई स्नाकोत्तर क्याम्पसको रूपमा स्तरोन्नती गरिने तयारी थलिएको बताए ।