राशिफल

साढे ७ महिनामा ४७ हजारले लिए व्यक्तिगत पान नम्बर

 न्यूज विराट
साढे ७ महिनामा ४७ हजारले लिए व्यक्तिगत पान नम्बर

विराटनगर, फागुन १५–चालु आर्थिक वर्षको साढे ७ महिनाको अवधिमा आन्तरिक राजश्व कार्यालय विराटनरमा ४७ हजार बढीले व्यक्तिगत पान नम्बर(पि पान) लिएका छन् । आन्तरिक राजश्व विभागले साउन महिनादेखि अनिवार्यरुपमा करदातालाई श्रमिक तथा कर्मचारीले व्यक्तिगत पान नम्बर लिनुपर्ने नियममा कडाई गरेपछि फागुन १४ गते सम्ममा ४७ हजार ३ सय १६ जनाले व्यक्तिगत पान नम्बर लिएका हुन्।

आन्तरिक राजश्व कार्यालय विराटनगरका कर अधिकृत पशुपति घिमिरेका अनुसार साउनेखि सरकारले कामदार तथा कर्मचारीले पनि व्यक्तिगत पान नम्बर लिनुपर्ने प्रावधान रहेकाले पान नम्बर लिनेको संख्यामा बृद्धि भएको हो । उनले साउनदेखि असोज महिना सम्म कार्यालयमा व्यक्तिगत पान नम्बर लिनेको चाप औषतमा दैनिक ३ सय भन्दा बढी रहेपनि त्यस यता अहिले दैनिक सय जना भन्दा बढीको चाप रहेको जानकारी दिए ।

‘व्यक्तिगत पान नम्बर अनिवार्य गरेपछि उक्त पान नम्बर लिनेको संख्या अत्याधिक थियो । साउन देखि असोज सम्म दैनिक ३ सय भन्दा बढीले लिएका थिए ।’ उनले भने,‘अहिले धेरैले व्यक्तिगत पान नम्बर लिइसक्नु भएको छ । त्यसैले सेवाग्राहीको चाप घटेको हो ।’

त्यस्तै कर अधिकृत घिमिरेका अनुसार चालु आर्थिक वर्षकै फागुन १४ गते सम्ममा आन्तरिक राजश्व कार्यालय विराटनगर र करदाता सेवा कार्यालय विराटचोक सहित व्यवसायीक पान दर्ता ८ हजार ४ सय ८९, मुल्य अभिबृद्धि कर(भ्याट) १ हजार ३ सय ३०, व्यवसायीक पान दर्ता १ हजार २ सय र विथ होल्डर पान (कार्यालयहरुलाई टिडिएस प्रायोजनका लागि दिइने ) १२्९ दर्ता भएका छन् ।

यो सँगै आन्तरिक राजश्व कार्यालय विराटनगर र करदाता सेवा कार्यालय विराटचोक सहित) ८ हजार ५ सय ६४ भ्याट, विथ होल्डर पान १ सय ९, अन्तशुल्क ४ हजार ५ सय ७९, व्यवसायीक पान दर्ता ५१ हजार ४ सय ३४ र व्यक्तिगत पान दर्ता संख्या ९४ हजार २ सय ७१ पुगेको कर अधिकृत घिमिरेले जानकारी दिए ।

सम्बन्धित समाचार

स्प्रेडदरलाई ३.५ प्रतिशत कायम गर्न उद्योगीको माग

विराटनगर । विराटनगरका ठूला तीन उद्योग व्यवसायीका संघ संगठनले देशमा देखिएको अर्थतन्त्रको संकट हल गर्न राष्ट्र बैंकले जारी गरेको मौद्रिक नीति संशोधन गर्न माग गरेका छन् । विराटनगरमा आज पत्रकार सम्मेलन गर्दै उनीहरुले विभिन्न ६...

मेरिल्याण्डका प्रिन्सिपल ढकाल हिसान प्रदेश १ को सदस्यमा मनोनित

विराटनगर । विराटनगरस्थित मेरील्याण्ड कलेजका प्रिन्सिपल लक्ष्मण ढकाल हिसान प्रदेश नं. १ को सदस्यमा मनोनित भएका छन् । विराटनगरमा बसेको हिसानको बैठकले ढकाललाई हिसान प्रदेश नं. १ को सदस्यमा मनोनित भएका हुन् । बैठक बसेर...

विराट एक्स्पोको तयारी पुरा, मंसिर २९ गतेबाट विराटनगरमा कृषि तथा औद्योगिक अन्तर्राष्ट्रिय प्रदर्शनी सुरु

विराटनगर । विराटनगर महानगरपालिका–१४ स्थित डिग्री क्याम्पस (पुरानो हवाई फिल्ड)मा आयोजना हुन लागेको सातौं विराट एक्स्पोको तयारी लगभग पूरा भएको छ ।मंसिर २९ गतेदेखि पुस ६ गतेसम्म आयोजना हुन लागेको एक्स्पोको तयारी लगभग पूरा भएको...

तेस्रो प्रयासमा गच्छदारलाई हराउँदै भगवती चौधरीको संसद्‍ यात्रा

विराटनगर । सुनसरीको क्षेत्र नं. ३ बाट प्रतिनिधि सभा सदस्यमा एमालेकी उम्मेदवार भगवती चौधरी विजयी भएकी छिन् । उनले काँग्रेसका नेता विजय गच्छदारलाई हराउँदै प्रतितिनिधि सभामा विजयी भएकी हुन् । २०७० सालको संविधानसभा निर्वाचन र...