राशिफल

राससले सक्षम र क्रियाशिल रुपमा समाचार उत्पादन गर्नुपर्छ : मन्त्री कार्की

 न्यूज विराट
राससले सक्षम र क्रियाशिल रुपमा समाचार उत्पादन गर्नुपर्छ : मन्त्री कार्की

विराटनगर, फागुन ७–प्रदेश १ का आन्तरिक मामिला तथा कानूनमन्त्री हिक्मतकुमार कार्कीले राष्ट्रिय समाचार समिति(रासस)लाई सक्षम बनाई क्रियाशिल रुपमा समाचार उत्पादन गर्नु पर्ने बताएका छन् । रासस प्रदेश १ को कार्यालय विराटनगरमा आयोजित राष्ट्रिय समाचार समितिको ५९ औँ वार्षिकोत्सवमा ‘संघियता कार्यान्वयनका राससको भुमिका’ विषयक अन्तरकृया एवं पुरस्कार वितरण समारोहमा उनले यस्तो बताएका हुन् ।

मन्त्री कार्कीले आगामी दिन कानून बनाई यस क्षेत्रमा रहेका सवै सरकारी माध्यमलाई प्रदेश सरकार मातहत सञ्चालन गरी संघियताको सफल कार्यान्वयन गरी जनताको विकास र समृद्धिको चाहना पुरा गर्ने बताए । ‘सरकारले लगानी गरेको सञ्चार माध्यमहरुमा जिल्ला समाचारदाता (स्ट्रिङर)ले पाउने पारीश्रमिकले वाच्न निकै कठिन छ ।’ उनले भने,‘ यसरी संस्था चल्न सक्दैन ।’

विगतमा पनि रासस प्रदेश कार्यालयलाई सहयोग गरेको स्मरण गदै मन्त्री कार्कीले विश्वसनीय, तथ्यपरक र खोजमूलक समाचारको सम्पे्रषणवाट संघियताको सफल कार्यान्वयन हुने बताए । विराटनगर महानगरपालिकाका प्रमुख भीम पराजुलीले सरकारी सञ्चार माध्ययममा स्वतन्त्र विज्ञको नियुक्ति गरेमा निश्पक्षता कायम हुने बताउदै देशको अनुहार जनतालाई देखाउन सरकारी सञ्चारमाध्यमक सशक्त हुनुपर्नेमा जोड दिए ।

उनले पत्रकाहरुलाई वाच्न सक्ने अवस्थाको पारिश्रमिक उपलव्ध हुनुपर्नेमा जोड दिए । नेपाल पत्रकार महासंघ प्रदेश १ का अध्यक्ष विक्रम लुईटेलले रासस जनताको पहँचमा निःशुल्क भएमात्र संघियताको सफल कार्यान्वयन हुने बताए । उनले श्रमजीवी पत्रकारको समस्या समाधान गर्न, सरकारी सञ्चारमध्यमका पत्रकारहरुको पारिश्रमिक वृद्धि गर्नुका साथै करार अथवा लोकसेवाको माध्यमवाट नियुक्ति गर्नु पर्नेमा जोड दिए।

रासस प्रदेश १ का प्रमुख मोहम्मद सदरुलले राससका सचारदाताले दिनरात नभनि सवैका समाचार निश्ष्क्ष ढंगले पस्किने गरेको वताउँदै आगामी दिनमा राससले श्रव्यदृश्य सेवा शुरु गर्ने जानकारी दिए । नेपाल पत्रकार महासङ्घ मोरङका अध्यक्ष बन्धु पोखरेलले संघियतामा राससको सेवा प्रभावकारी भएको भन्दै आगामी दिनमा थप खोजमूलक समाचारमा ध्यान दिन आग्रह गरे । सो अवसरमा मन्त्री काकीले रासस प्रदेश १ भोजपुर जिल्लावाट उत्कृष्ट जिल्ला समाचारदाता युवराज विष्टलाई नगद १५ हजार र सम्मानपत्रले पुरस्कृत गरे ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...