अदृश्य शक्तिको रुपमा सञ्चारकर्मीहरुले काम गरेका छन्ः प्रदेश प्रमुख अधिकारी - News Birat

अदृश्य शक्तिको रुपमा सञ्चारकर्मीहरुले काम गरेका छन्ः प्रदेश प्रमुख अधिकारी

न्यूज विराट

विराटनगर, ३ फागुन । प्रदेश नं १ का प्रदेश प्रमुख सोमनाथ अधिकारी ‘प्यासी’ले समाज परिबर्तनमा सञ्चारकर्मीहरुले अदृश्य शक्तिको रुपमा कार्य गरेको बताएका छन् । नेपाल पत्रकार महासंघ १ नं प्रदेश समितिको दोस्रो अधिवेशनको विराटनगरमा उद्घाटन गर्दै उनले समाचारको सम्प्रेषणबाट राष्ट्र र समाजमा सुशासन एवं नैतिकता कायम गर्न ठूलो भूमिका निर्वाह गरेको विचार व्यक्त गरे ।

प्रदेश प्रमुख अधिकारीले पत्रकारहरुले आफ्नो कलम मार्फत दुर्गम र सीमान्तक्षेत्रका जनताको समस्या एवं भौतिकपूर्वाधार निर्माणमा भएको कमी कमजोरीलाई पहिल्याउनु पर्नेमा जोड दिए । उनले सङ्घीय लोकतान्त्रिक गणतन्त्रको संस्थागत गर्न सञ्चारकर्मीहरुको ठूलो भूमिका रहने चर्चा जवाफदेहिताका साथ कार्य गरेमा मुलुकको समृद्धि कायम हुने विश्वास व्यक्त गरे ।

प्रदेश प्रमुख अधिकारीले मुलुकमा अहिले चलिरहेको राजनीतिक वहसले देश र जनताका हितका लागि सकारात्मक निकास पाउने विश्वास व्यक्त गर्दै राज्यबाट सञ्चारकर्मीहरुले सेवा सुविधा सहजताका साथ प्राप्त हुनुपर्नेमा जोड दिए ।

प्रदेश सञ्चार प्रतिष्ठानका कार्यकारी निर्देशक यज्ञ शर्माले महासंघ साझा संस्थाको रुपमा अगाडि वढनु पर्नेमा जोड दिदै पत्रकारहरुको वृत्ति विकास एवं स्वास्थ्य उपचारका लागि नवगठित प्रतिष्ठानले सहयोग गर्ने जानकारी दिए ।

महासंघका प्रदेश अध्यक्ष बिक्रम लुईटेलले महासघले साझा दष्टिकोणबाट अगाडि वढेमा गन्तव्यमा पुग्ने विश्वास व्यक्त गर्दै सुद्धिकरण अभियान अन्तर्गत निजामती कर्मचारी र निर्वाचित जनप्रतिनिधिलाई प्रदेश साधारण सदस्यताबाट हटाइएको जानकारी दि ए।

महासंघका केन्द्रीय सदस्यद्वय उद्धव तिमिसिना र सटेन्द जवेगुले सचेत नागरिकको रहेका सञ्चारकर्मीहरुले समाजमा रहेका विकृति र विसङ्गति हटाउन कार्य गर्नुपर्नेमा जोड दिदै पत्रकारहरुलाई सक्षम बनाउन तालीम र अभिमुखीकरणको व्यवस्या हुनुपर्ने बताए ।

प्रदेश उपाध्यक्ष सोम सुसेली,प्रेस संगठन नेपालका सत्ता पक्ष र प्रतिपक्षका प्रदेश इन्चार्जहरु गणेश पोखरेल र राजन केडि, नेपाल प्रेस यूनियन प्रदेश संयोजक लिलावल्लभ घिमिरे, महासंघका मोरङ र इलाम अध्यक्ष कमशः बन्धु पोखरेल र कोकिला ढकालले सङ्घीयताको उपलव्धीको रुपमा महासंघ प्रदेश समिति गठन भएको र प्रदेशमा महिला सञ्चारकर्मीहरुको अवस्था दयनिय रहेकोले अवश्यक सहयोगको व्यवस्था गर्नुपर्नेमा जोड दिए । प्रदेशमा एक हजार २०० सञ्चारकर्मीहरु महासंघमा आवद्ध रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles