विराटनगर, माघ २४–निर्वाचीत बनेदेखिनै जनता माझ गरेका प्रतिवद्धता पुरा गर्न लागि परेका पूर्व संघिय मामिला तथा सामान्य प्रशासनमन्त्री तथा मोरङ क्षेत्र नं. ६ का संघिय सांसद लालबाबु पण्डितको पहलमा विभिन्न योजनामा करोडौँ रुपैयाँ बजेट विनियोजन भएको छ ।

रानी–नेमुवा–मनमोहनचोक–सडकका लागि २० करोड रुपैयाँ बजेट बिनियोजन भएको छ । पण्डितको पहलमा संघिय मामिला तथा सामान्य प्रशासन मन्त्रालयको सिफिारिसमा ग्रामिण सडक सञ्जाल बहुवषिय आयोजनाका अन्तर्गत अर्थमन्त्रालयले २० करोड रुपैयाँ बजेट विनियोजन गरेको हो ।

आगामी आर्थिक वर्षको बजेट सिलिङ तथा मध्यमकालिन खर्च संरचनाभित्र रकम प्रस्ताव गर्ने र बजेट बमोजिम रकमको सीमाभित्र रहि खर्च व्यवस्थापन गर्नेगरी बहुवर्षीय ठेक्का प्रकृयाबाट निर्माण कार्य अगाडी बढाउन उक्त आयोजनाको लागि माघ १७ गतेको मन्त्री स्तरीय निर्णयले सहमति प्रदान गरेको नेपाल कम्युनिष्ट पार्टी (नेकपा) १ नं. प्रदेश कमिटी सदीयस्य सत्यनारायण चौधरीले जानकारी दिए ।

उक्त सडकका लागि बजेट विनियोजन भएपछी स्थानिय हर्षित भएका छन् । निर्वाचनका समयमा भोट माग्न आउने नेताहरुले पटक–पटक सडक निर्माणको आश देखाएपनी पुरा हुन सकेको थिएन । तर, सो निर्वाचन क्षेत्रबाट जितेर गएदेखीनै जनता माझ गरेको प्रतिवद्धता पुरा गर्न अग्रसर भएका सांसद पण्डितकै पहलमा हाल आएर उक्त सडकको काम अघि बढेपछी स्थानीय हर्षित भएका हुन् ।

त्यसैगरी पण्डितकै पहलमा टंकि खानेपानि आयोजनाका लागि ४५ करोड ८७ लाख रुपैयाँ बजेट बिनियोजन भएको छ । बुढीगंगा गाउँपालिकाका सवै वडामा शुद्ध पानि वितरण र खानेपानि समस्या समाधानका लागि पण्डितले पहल गरेका हुन् ।

खानेपानि तथा सरसफाईको सहलगानी आयोजना मार्फत ४५ करोड ८७ लाख रुपैयाँ बजेट स्वीकृत भएकोमा चालु आर्थिक वर्षका लागि मात्र २९ करोड २७ लाख खर्च गर्ने बजेट स्वीकृत भएको छ । उक्त योजना सम्पन्न भएपछी पण्डितको निर्वाचन क्षेत्र अन्तर्गत बुढिगंगा गाउँपालिकामा शुद्ध पिउने पानिको समस्या समाधान हुने भएपछी स्थानीय उत्साहित भएका छन् ।

गृह जिल्ला आएर विभिन्न कार्यक्रम भ्याइ काठमाडौं फर्किए पण्डित
गृह जिल्ला र निर्वाचन क्षेत्रमा सवैभन्दा धेरै पुग्ने ‘भिआइपी’ का रुपमा चिनिएका पूर्वमन्त्री तथा मोरङ क्षेत्र नं. ६ का प्रतिनिधिसभा सदस्य पण्डित केही दिन अघि मात्र विराटनगर आइ विभिन्न कार्यक्रममा सहभागि भएर पुनः काठमाडौं फर्किएका छन् ।

गत माघ १९ गते मोरङ निर्वाचन क्षेत्र नं. ६ अन्तर्गत शुन्दरहरैँचा नगरपालिका–५ स्थित हसिना सिमसारमा आयोजित ‘भ्रमण वर्ष २०२० तथा विश्व सिमसार दिवस’ मा सहभागिता जनाए । उक्त कार्यक्रमको उद्घाटन संस्कृती पर्यटन तथा नागरिक उड्डयन मन्त्री योगेश भट्टराइले गरे । त्यसैगरी सोही निर्वाचन क्षेत्र अन्तर्गत २० गते बुढीगंगा गाउँपालिका–२ अमाहिका जनतासँग भेटघाट तथा विकास निर्माणका विषयमा छलफलसमेत गरेका छन् ।

त्यस्तै पण्डित मन्त्री भएकै बेला तराई मधेश समृद्धि कार्यक्रम अन्तर्गत सुरु भएको र हाल निर्माण कार्य तिब्र गतिमा अघि बढीरहेको पुष्पलाचोक गछिया सडकको निरिक्षण तथा अनुगमन गरेका छन् । उनले सुनसरीको मोरङ अमाहि र सुनसरीको सितापुर सिसोक टोल जोड्ने बुढिखोलाको पुल निर्माणका लागि स्थानीयले माग गरेको योजनाका लागि निरिक्षण गरि पहल गर्ने प्रतिवद्धता जनाएका छन् । निरिक्षणका क्रममा पण्डितसँग स्थानीय जनताले पुल नहुँदा सास्ती खेप्दै आउनु परेको गुनासो गरेका थिए ।

यस वाहेक गृह जिल्लामा अगुवा कार्यकर्ता भेटघाट, मन्त्री छँदा सुरु गरेका, र निर्वाचन क्षेत्र पूर्वाधार विकास कार्यक्रम अन्तर्गतका योजनाको अनुगमन र आफ्नो निर्वाचन क्षेत्रका जनताको समस्या र पीरमर्का बुझेर पण्डित पुनः काठमाडौं फर्किएको नेकपा प्रदेश कमिटी सदस्य चौधरीले बताए ।