विराटनगर। सौन्दर्य कला व्यवसायी सङ्घ विराटनगर महानगर कमिटीमा नयाँ नेतृत्व आएको छ । उक्त संघको अध्यक्षमा विराटनगरका ब्युटिसियन सविता थापा रहेकी छिन् । विराटनगरमा भएको भेलाले थापालाई अध्यक्षमा सर्वसम्मत चयन गरेको हो ।

यसअघिको अध्यक्षमा जुली प्याकुरेल रहेकी थिइन् । प्याकुरेल जिल्ला कमिटीको सचिव भएपछि महानगर कमिटीको अध्यक्ष रिक्त रहेको थियो । सान्दर्यकर्मीको भेलाबाट सवितालाई अध्यक्षमा चयन गरेको हो । त्यसैगरी संस्थाको उपाध्यक्षमा प्रतिमा न्यौपान ,सचिवमा ईशा ढकाल‌ र कोषाध्यक्षमा रजिता भट्टराई रहेकी छन् ।
नवनिर्वाचित अध्यक्ष सविताले ब्युटिसियनहरुको हकहितामा सधैभरी लागि परेर अगाडी बढने बताइन् ।

सौन्दर्य कला व्यवसायी संघका केन्द्रीय उपाध्यक्ष सन्तोषी श्रेष्ठको प्रमुख आतिथ्यमा उक्त कार्यक्रम भएको थियो । कार्यक्रमको प्रमुख अतिथि संघकी केन्द्रीय उपाध्यक्ष श्रेष्ठले सौन्दर्य कला व्यवसायीहरुको हकहितमा काम गर्दै क्षमता अभिवृद्धीमा लागि परेको बताइन् । नयाँ आएको नेतृत्वले ब्युटिसियनहरुलाई एकता बद्ध बनाएर अगाडी बढने बताइन् ।