विराटनगर । विराटनगरमा रहेको अर्किडक कलेजले उत्कृष्ट ६० जना विद्यार्थीहरुलाई ३ लाख बरावरको नगद पुरस्कार वितरण गरेको छ । कलेज परिसरमा शनिबार एक कार्यक्रम आयोजना गरी उत्कृष्ट हुने विद्यार्थीहरुलाई नगद पुरस्कार वितरण गरेको हो ।
कक्षा ११ र १२ मा उत्कृष्ट १५ भित्र पर्ने ६० जना विद्यार्थीहरुलाई नगद पुरस्कार वितरण गरिएको कलेजका प्रिन्सिपल सिएम श्रेष्ठले जानकारी दिए ।
आगमी वर्षमा मेडिकल तथा टप ५० मा नाम निकाल्ने विद्यार्थीहरुलाई कलेजले ५० हजार बरावरको पुरस्कार वितरण गर्ने घोषण गरेको छ । पूर्ण छात्रवृत्तीमा नामा निकाल्ने विद्यार्थीहरुलाई जनही २० हजार पुरस्कार वितरण गर्ने कलेजका प्रिीन्सपल श्रेष्ठले बताए । त्यसैगरी इन्जिनियरिङ तर्फ उत्कृष्ट ५० भित्रमा नामा निकाल्ने विद्यार्थीलार्य नगद ५० हजार र पूर्ण छात्रवृत्तीमा नाम निकाल्ने विद्यार्थीहरुलाई जनही २० हजार पुरस्कार वितरण गर्ने कलेजले जनाएको छ । त्यसैगरी नेपाल प्रथम गर्नेलाई १ लाख र कोशी प्रदेश प्रथम गर्नेलाई ५० हजार रुपैयाँ पुरस्कार वितरण गर्ने कलेजले घोषणा गरेको छ ।
त्यसैगरी कलेजले हिसान मोरङले आयोजना गरेको स्पोर्ट्स मिटमा उत्कृष्ट हुने विद्यार्थीहरुलाई पनि सम्मान गरेको थियो ।
कार्यक्रमको प्रमुख अतिथि प्याब्सनका मोरङका बरिष्ठ उपाध्यक्ष मोहन बुढाथोकी रहेका थिए । दिपेश बास्तोलाको सभापतित्वमा भएको कार्यक्रममा प्याब्सन मोरङका उपाध्यक्ष विष्णु डंगोल, संचालक दिपेश बास्तोला, कार्यक्रम संयोजक मनोज तिवारी, प्याब्सन विराटनगरका अध्यक्ष अर्जुन श्रेष्ठ, प्याब्सन मोरङका सदस्य इन्द्र कुमार राईलगायतले पुरस्कार वितरण गरेका थिए ।