विराटनगर । प्याब्सन प्रेसिडेन्ट फुटबल कपमा विराटनगरका चार स्कुल सेमिफाइनलमा पुगको छन् । प्याब्सन विराटनगरको आयोजना भएको बुधबारको खेलमा डिपिएस, बिकेभिएम, ग्यालेक्सी र बुढानिलकण्ठ स्कुल विजयी भएर सेमिफाइनलमा पुगेको हो ।
डिपिस स्कुलको खेलमैदानमा भएको खेलमा डिपिएस स्कुलले गोदावरी स्कुललाई टाइब्रेकरमा ५–४ गोलले हराउँदै डिपिएस सेमिफाइनलमा पुगेको हो । त्यस्तै बिकेभिएम स्कुलले मोर्डन एरा स्कुललाई टाइब्रेकरमा ४–३ गोलले पराजित गर्यो ।
विराटनगर जुटमिलको खेल मैदानमा भएको खेलमा ग्यालेक्सी स्कुलले अपर्ण स्कुललाई टाइब्रेकरमा ५–३ गोलले हरायो । बुढानिलकण्ठ स्कुलले अरनीको स्कुललाई १–० गोलले पराजित गर्यो ।
बिहीबार सेमिफाइनल खेलहरु हुने प्रतियोगिताको संयोजक दिनेश ढुङगना जानकारी दिए ।
माघ १७ गतेसम्म हुने प्रतियोगितामा विराटनगरका २४ वटा विद्यालयले भाग लिएको प्याब्सन विराटनगरका अध्यक्ष अर्जुन श्रेष्ठले जानकारी दिए ।